லங்காசிறி FM
பிரித்தானியாவில் 45 ஆண்டுகளில் காணாத உணவுப் பணவீக்கம்!
Ragavan
in ஐக்கிய இராச்சியம்
பிரித்தானியாவின் உணவுப் பணவீக்கம் 45 ஆண்டுகளில் இல்லாத அளவுக்கு அதிகரித்துள்ளது.
பிரித்தானியாவின் உணவுப் பணவீக்கம்
பிரித்தானியாவில் உணவுப் பணவீக்கம் மார்ச் மாதத்தில் 45 ஆண்டுகளில் இல்லாத அளவுக்கு 19.1 சதவீதத்தை எட்டியுள்ளதாக தேசிய புள்ளியியல் அலுவலகம் (ONS) புதன்கிழமை தெரிவித்துள்ளது.
சமீபத்திய பணவீக்க அறிக்கை, உணவு மற்றும் மது அல்லாத பானங்களின் விலைகள் கடந்த 45 ஆண்டுகளில் அதிகபட்ச பணவீக்க விகிதத்தைக் கண்டன, இது பிப்ரவரியில் ஆண்டுக்கு 18 சதவீதமாக இருந்துள்ளது.
பாண் மற்றும் தானியங்கள், இறைச்சி, மீன், பால், முட்டை, ஆலிவ் எண்ணெய், காய்கறிகள் மற்றும் பழங்கள் ஆகியவற்றின் விலைகளில் குறிப்பிடத்தக்க அதிகரிப்புடன், உணவின் விலை மட்டும் 19.6 சதவீதம் உயர்ந்துள்ளது.
Getty Images
விலை உயர்வு
பாண் மற்றும் தானியங்களின் விலை 19.4 சதவீதமும், இறைச்சி விலை 17.4 சதவீதமும் உயர்ந்துள்ளது.
முழு பால் விலை 37.9 சதவீதமும், முட்டையின் விலை 32 சதவீதமும் உயர்ந்துள்ளது.
உக்ரைன் போரினால் ஏற்பட்ட விநியோக இடையூறுகள் காரணமாக ஆலிவ் எண்ணெயின் விலை கடந்த ஆண்டை விட 49.2 சதவீதம் உயர்ந்துள்ளது.
மேலும், காய்கறிகளின் விலை 19.3 சதவீதமும், பழங்களின் விலை 10.6 சதவீதமும் அதிகரித்துள்ளது.
Reuters
45 ஆண்டுகளில் இல்லாத உயர்வு
பணவீக்கம் 21.9 சதவீதமாக மதிப்பிடப்பட்ட ஆகஸ்ட் 1977-ல் கடைசியாக உணவுப் பொருட்களின் விலை இந்த அளவுக்கு உயர்ந்ததாக தேசிய புள்ளியியல் அலுவலகம் கூறியது.
ஆனால், பிரித்தானியாவின் வாழ்க்கைச் செலவு நெருக்கடியில் சிறிது தளர்வு ஏற்பட்டுள்ளதாகவும், ஆண்டு நுகர்வோர் விலைக் குறியீடு பிப்ரவரியில் 10.4 சதவீதத்திலிருந்து மார்ச் மாதத்தில் 10.1 சதவீதமாக குறைந்துள்ளது.
அதிக விலையுடன் போராடும் நுகர்வோருக்கு இது ஓரளவு நிவாரணம் அளித்தாலும், இந்த எண்ணிக்கை இன்னும் இரட்டை இலக்கத்தில் உள்ளது மற்றும் எதிர்பார்த்ததை விட அதிகமாக உள்ளது.
வல்வெட்டித்துறை கம்பர்மலை, பரந்தன், London, United Kingdom
11 Apr, 2025
நெடுந்தீவு, சிவபுரம், வவுனிக்குளம், பாண்டியன்குளம், அனலைதீவு, Neuss, Germany, Oslo, Norway, சென்னை, India
22 Apr, 2023
புங்குடுதீவு 12ம் வட்டாரம், புங்குடுதீவு, கொழும்பு, London, United Kingdom
24 Apr, 2025
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024