லங்காசிறி FM
மூடப்படும் நிலையில் பிரித்தானிய மருத்துவமனைகள்! NHS தலைவர் எச்சரிக்கை
Ragavan
in ஐக்கிய இராச்சியம்
பிரித்தானியாவின் தேசிய சுகாதார சேவையின் (NHS) தலைவர் ஒருவர், சுகாதார ஊழியர்களுக்கு கோவிட் தடுப்பூசி போடுவதற்கு அரசாங்கத்தின் நிர்ப்பந்தத்திற்கு எதிர்ப்புத் தெரிவித்து, ஊழியர்கள் வெளியேறியதால் பிரித்தானியாவில் உள்ள மருத்துவமனைப் பிரிவுகள் மூடப்பட வாய்ப்புள்ளதாகக் கூறியுள்ளார்.
NHS வழங்குநர்களின் (NHS Providers) தலைமை நிர்வாகி கிறிஸ் ஹாப்சன் (Chris Hopson), அறக்கட்டளையால் நடத்தப்படும் ஒரு மருத்துவமனையினை உதாரணம் காட்டி இவ்வாறு கூறியுள்ளார்.
இந்த மருத்துவமனையில் 40 மருத்துவச்சிகள் (Midwife) தடுப்பூசி போட மறுத்துள்ளனர். இதனால் மகப்பேறு பிரிவை மூட வேண்டிய நிலை ஏற்படும் என்ற அச்சம் எழுந்துள்ளது.
மருத்துவச்சிகள் தடுப்பூசி போட மறுக்கும் மருத்துவமனையின் பெயரை ஹாப்சன் குறிப்பிடவில்லை. அவர் இதை ஒரு பிரதிநிதித்துவ உதாரணமாக முன்வைத்தார்.
இந்த போக்கு பரவினால், அது 'நோயாளிகளுக்கான சேவை ஆபத்தில் தள்ளப்படும்' என்று அவர் கூறினார்.
பிரித்தானியாவின் சுகாதார செயலாளர் சஜித் ஜாவித் (Sajid Javid) சமீபத்தில் ஹவுஸ் ஆஃப் காமன்ஸிடம் தடுப்பூசி போடாத NHS ஊழியர்களின் எண்ணிக்கையை தெரிவித்தார்.
"நாடு முழுவதும் வளர்ச்சியை அதிகரிப்பதற்கான முயற்சிகள் மேற்கொள்ளப்படும் நிலையிலும், இன்னும் சுமார் 94,000 NHS ஊழியர்கள் தடுப்பூசி போடப்படவில்லை. நோயாளிகளின் பாதுகாப்பிற்காக, சுகாதார மற்றும் பராமரிப்பு ஊழியர்கள் தடுப்பூசி பெறுவது மிகவும் முக்கியமானது,” என்று சஜித் ஜாவித் கூறினார்.
பிரித்தானியாவில் சுகாதாரப் பணியாளர்களுக்கு தடுப்பூசி போடுவதற்கான உத்தரவு ஏப்ரல் முதல் அமுலுக்கு வருகிறது.
அனலைதீவு 7ம் வட்டாரம், Toronto, Canada, Michigan, United States, Altena, Germany
10 May, 2025
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
கரணவாய் மேற்கு, Urtenen-Schönbühl, Switzerland, பேர்ண், Switzerland
08 May, 2025
புங்குடுதீவு இறுப்பிட்டி, ஏழாலை சூராவத்தை, Markham, Canada
05 May, 2025
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024