ராணி இரண்டாம் எலிசபெத் பெயரில் புதிய அறக்கட்டளை அறிமுகம்

Queen Elizabeth II King Charles III

By Ragavan Apr 20, 2026 02:47 PM GMT

Ragavan

in ஐக்கிய இராச்சியம்

Report

மறைந்த மகாராணி இரண்டாம் எலிசபெத் பெயரில் புதிய தொண்டு நிறுவனம் அறிமுகம் செய்யப்பட்டுள்ளது.

பிரித்தானிய அரசாங்கம், மகாராணி இரண்டாம் எலிசபெத் பிறந்த நூற்றாண்டை முன்னிட்டு, அவர் வாழ்நாள் முழுவதும் செய்த பொதுசேவையை நினைவுகூரும் வகையில் Queen Elizabeth Trust என்கிற புதிய சுயாதீன தொண்டு நிறுவனத்தை அறிமுகப்படுத்தியுள்ளது.

இந்த அறக்கட்டளை, சமூகங்களை ஒன்றிணைக்கும் பொதுவான இடங்களை புதுப்பித்து, மக்களுக்கு பயன்படும் வகையில் மாற்றும் பணிகளில் ஈடுபடும் என தெரிவிக்கப்பட்டுள்ளது.

பிரித்தானிய மன்னர் மூன்றாம் சார்ல்ஸ், இந்த அறக்கட்டளையின் அரச ஆதரவாளராக செயல்படுகிறார்.

Queen Elizabeth Trust UK, UK community strengthening charity, King Charles Royal Patron Trust, Queen Elizabeth II centenary legacy #QueenElizabethTrust #UKCharity #CommunityStrength #KingCharles #PublicService #Legacy #BreakingNews

அரசாங்கம், ஆரம்ப நிதியாக 40 மில்லியன் பவுண்டு வழங்கியுள்ளது. இதன் மூலம், பயன்படுத்தப்படாமல் இருக்கும் கட்டிடங்கள், பசுமை நிலங்கள், மற்றும் சமூக மையங்களை புதுப்பித்து, மக்களுக்கு பயிற்சி மற்றும் திறன்களை வழங்கும் திட்டங்கள் மேற்கொள்ளப்படும்.

இந்த அறக்கட்டளை, ராணி இரண்டாம் எலிசபெத்தின் “everyone is our neighbour" என்ற கருத்தை அடிப்படையாகக் கொண்டு, சமூகங்களை ஒன்றிணைக்கும் பணிகளை முன்னெடுக்கும்.

இந்த அறக்கட்டளையானது தேசிய நினைவுச்சின்னம் (St James’s Park) மற்றும் டிஜிட்டல் நினைவகம் ஆகியவற்றுடன் இணைந்து, ராணியின் சேவையை உள்ளூர், தேசிய, மற்றும் உலகளாவிய அளவில் நினைவுகூரும் முயற்சியாக உருவாக்கப்பட்டுள்ளது.

அறக்கட்டளையின் தலைவர் Sir Damon Buffini, “சமூகங்களை மீண்டும் உயிர்ப்பிக்கவும், மக்களை ஒன்றிணைக்கவும் இது ஒரு முக்கிய வாய்ப்பு” என்று தெரிவித்துள்ளார்.