நிறைமாத கர்ப்பிணியாக முதல் முறை தொலைகாட்சியில் தோற்றமளித்த மேகன் மார்க்கல்!

பிரித்தானிய இளவரசி மேகன் மார்க்கல் ஓப்ராவுடனான நேர்காணலுக்கு பிறகு முதல் முறையாக தொலைக்காட்சி நிகழ்ச்சி ஒன்றில் தோற்றமளித்துள்ளார்.

பிரித்தானிய இளவரசர் ஹரி மற்றும் அவரது மனைவி மேகன் மார்க்கல் இருவரும் தங்களது இரண்டாவது குழந்தையை எதிர்பார்த்து காத்திருக்கின்றனர்.

இருவரும் சமீபத்தில் பிரபல அமெரிக்க தொலைக்காட்சி ஒன்றில் ஓபரா வின்ஃப்ரேயுடனான பேட்டியில் பிரித்தானிய அரச குடும்பத்துக்கு எதிராக பல சர்ச்சைக்குரிய குற்றச்சாட்டுகளை முன்வைத்தனர். இதனால் ராயல் குடும்பத்தினர் மற்றும் பிரித்தானிய மக்களிடையே மேகனுக்கு இருந்த நல்ல பெயரை அவர் இழந்துவிட்டார்.

அதனால் அவர் பிரித்தானியாவுக்குத் திரும்பிவருவாரா, வந்தால் என்ன நடக்கும் என்பதை யாராலும் கணிக்க முடியவில்லை.

கடந்த மாதம் இளவரசர் பிலிப் இறந்தபோதும், கர்ப்பமாக இருந்த காரணத்தினால் அவர் இறுதிச்சடங்கிற்கு பிரித்தானியாவுக்கு செல்லவில்லை, இளவரசர் ஹரி மட்டும் சென்றிருந்தார்.

இளவரசி டயானாவின் 60-வது பிறந்தநாளை முன்னிட்டு, ஜூலை மாதம் 1-ஆம் திகதி, கென்சிங்டன் மாளிகையில் அவரது உருவச்சிலையை திறந்து வைக்க திட்டமிடப்பட்டுள்ளது. அந்த நிகழ்ச்சியிலும் மேகன் பங்குகொள்வாரா என்று தெரியவில்லை.

இதற்கிடையில், மேகன் மார்க்கல் எந்த பொது நிகழ்ச்சியிலும் பங்கேற்கவில்லை.

இந்த நிலையில், உலகளாவிய தடுப்பூசி முயற்சியை ஆதரிப்பதற்காக கடந்த மே 2-ஆம் திகதி அமெரிக்காவில் உள்ள SoFi அரங்கத்தில் நடைபெற்ற Vax Live நிகழ்ச்சிக்காக மேகன் மார்க்கல் ஒரு சிறிய வீடியோ காட்சியை வெளியிட்டார். இந்த நிகழ்ச்சியில் இளவரசர் ஹரி நேரில் பங்கேற்றார் என்பது குறிப்பிடத்தக்கது.

இந்த நிகழ்ச்சி நேற்று தொலைக்காட்சியில் ஒளிபரப்பப்பட்டது. அதில் மேகன் நிறைமாத கர்ப்பிணியாக தோன்றியிருந்தார். அவரது வீடியோ காட்சிகள் மற்றும் புகைப்படங்கள் தற்போது சமூக வலை தளங்களில் வெளியாகி வைரலாகிவருகின்றன.

ஓபரா வின்ஃப்ரேயுடனான பேட்டிக்கு பிறகு இதுவே அவர் முதன்முதலில் தொலைகாட்சி நிகழ்ச்சியில் தோற்றம் என்பது குறிப்பிடத்தக்கது.

“Women, and especially women of colour, have seen a generation of economic gain wiped out. Since the pandemic began, nearly 5.5million women have lost work in the US, and 47million more women around the world are expected to slip into extreme poverty.”

—Duchess Meghan, #VaxLive pic.twitter.com/EU7QENYxYr

— Omid Scobie (@scobie) May 9, 2021