லங்காசிறி FM
உடற்பயிற்சி செய்வோரால் பால் பவுடர் விலை அதிகரிக்கலாம்: சுகாதாரத் துறையினர் எச்சரிக்கை
உடற்பயிற்சி செய்பவர்கள், புரத இழப்பைத் தவிர்ப்பதற்காக புரோட்டீன் பவுடர்களை உட்கொள்கிறார்கள்.
ஆனால், அப்படி உடற்பயிற்சி செய்பவர்கள், புரோட்டீன் பவுடரை எடுத்துக்கொள்வது அதிகரிக்கத் துவங்கியுள்ளதால், குழந்தைகளுக்கான பால் பவுடர் விலை அதிகரிக்கக்கூடும் என பிரித்தானிய சுகாதார நிபுணர்கள் எச்சரித்துள்ளார்கள்.
பால் பவுடர் விலை அதிகரிக்கலாம்
உடற்பயிற்சி செய்பவர்கள், உடற்பயிற்சி செய்வதால் தங்கள் உடலில் புரத இழப்பு ஏற்படுவதைத் தவிர்ப்பதற்காக, புரோட்டீன் பவுடர்களை உட்கொள்கிறார்கள்.
இப்படி புரோட்டீன் பவுடர்களை பயன்படுத்துவோர் அதிகரித்துவருவதால், அந்த புரோட்டீன் பவுடர் விலை கணிசமாக அதிகரித்துள்ளது.
இந்த புரோட்டீன் பவுடரில் 80 சதவிகித தூய்மையான புரதம் (Whey protein) உள்ளது.
அந்த புரதத்தின் விலை, 2025ஆம் ஆண்டு ஜூலை மாதத்தில் ஒரு மெட்ரிக் டன்னுக்கு 10,050 பவுண்டுகளாக இருந்த நிலையில், தற்போது 22,137.36 பவுண்டுகளாக அதிகரித்துள்ளது.
விடயம் என்னவென்றால், குழந்தைகள், குறிப்பாக, ஒரு வயதுக்குக் கீழ் உள்ள குழந்தைகள் உணவாக உட்கொள்ளும் பவுடர் பால், தாய்ப்பாலை ஒத்திருக்கவேண்டும் என்பதால், இதே புரதம் (Whey protein) பால் பவுடரில் சேர்க்கப்படுகிறது.
இந்நிலையில், உடற்பயிற்சி செய்வோரால் இப்படி அந்தப் புரதத்தின் தேவை அதிகரித்து, அதன் விலையும் அதிகரித்துவருவதால், விரைவில் குழந்தைகளுக்கான பால் பவுடர் விலையும் அதிகரிக்கக்கூடும் என பிரித்தானிய சுகாதார நிபுணர்கள் எச்சரித்துள்ளார்கள்.
கடந்த ஆண்டை ஒப்பிடும்போது, 750 கிராம் எடை கொண்ட பால் பவுடர் விலை, ஏற்கனவே 4.8 சதவிகிதம் அதிகரித்து, 11.55 பவுண்டுகளாக இருந்தது, தற்போது 12.11 பவுண்டுகளுக்கு விற்கப்படுகிறது.
ஆக, பால் பவுடர் விலை மேலும் அதிகரிக்கலாம் என எதிர்பார்க்கப்படுவதுடன், பால் பவுடர் தயாரிக்கும் பல நிறுவனங்கள், தாதுக்கள் நீக்கப்பட்ட, D90 demineralised whey powder என்னும் புரத பவுடரை பால் பவுடரில் பயன்படுத்தத் துவங்கியுள்ளதாகவும் துறைசார் அலுவலர்கள் தெரிவித்துள்ளனர்.
உடற்பயிற்சி செய்வோர் பயன்படுத்தும் புரோட்டீன் பவுடரில் 80 சதவிகித புரதம் உள்ள நிலையில், D90 demineralised whey powder புரத பவுடரில் 10 முதல் 12 சதவிகித புரதமும், 70 முதல் 80 சதவிகித லாக்டோஸும் உள்ளது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
யாழ். அத்தியடி, யாழ்ப்பாணம், London, United Kingdom, மெல்போன், Australia
29 Jul, 2026
Conflans-Sainte-Honorine, France, London, United Kingdom, Nanterre, France
01 Jul, 2026
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
