பிரித்தானிய நிதியமைச்சர் ரிஷி சுனக், சுகாதார செயலாளர் சஜித் ஜாவித் திடீர் ராஜினாமா!

பிரித்தானிய பிரதமர் போரிஸ் ஜான்சனுக்கு பெரும் அடியாக, அவரது இரண்டு முக்கிய கேபினட் அமைச்சர்கள் இன்று திடீரென ராஜினாமா செய்தனர்.

பிரித்தானிய சுகாதார செயலாளர் சஜித் ஜாவித் பதவி விலகுவதாக அறிவித்த சில நிமிடங்களில், நிதியமைச்சர் ரிஷி சுனக் தனது பதவியை ராஜினாமா செய்வதாக அறிவித்தார்.

பிரித்தானிய நிதியமைச்சர் ரிஷி சுனக் மற்றும் சுகாதார செயலாளர் சஜித் ஜாவித் இருவரும் அடுத்தடுத்து ராஜினாமா செய்து, பிரதமர் போரிஸ் ஜான்சனின் அரசாங்கத்தை நெருக்கடியில் ஆழ்த்தியுள்ளனர்.

லண்டனில் திடீரென எதிரில் வந்த பெண்! நடிகர் அஜித்குமார் செய்த காரியம்.. சிசிடிவி வீடியோவால் நெகிழ்ச்சி 

பிரதமருக்கு எழுதிய கடிதத்தில், சுகாதார செயலாளர் சஜித் ஜாவித் "இனி நல்ல மனசாட்சியுடன் தொடர முடியாது... உங்கள் தலைமையின் கீழ் இந்த நிலைமை மாறாது என்பது எனக்கு தெளிவாகத் தெரிகிறது - எனவே நீங்கள் என் நம்பிக்கையையும் இழந்துவிட்டீர்கள்" என்று கூறியுள்ளார்.

மேலும், பல எம்.பிக்களும் பொதுமக்களும் போரிஸ் ஜான்சனின் தேசிய நலனுக்காக ஆட்சி செய்யும் திறனில் நம்பிக்கை இழந்துவிட்டனர் என்றும் ஜாவித் கூறினார்.

கனடாவில் வசிக்கும் தமிழ்ப்பெண் மீது பொலிசார் வழக்குப்பதிவு! என் உயிரை கூட தருவேன் என ஆவேச பதிவு 

நிதியமைச்சர் ரிஷி சுனக், தனது ராஜினாமா கடிதத்தில், "தொற்றுநோய், உக்ரைனில் நடந்த போர் மற்றும் பிற கடுமையான சவால்களின் பொருளாதார விளைவுகளை உலகம் அனுபவிக்கும் போது நான் அதிபர் பதவியில் இருந்து விலகுவது நான் சாதாரணமாக எடுத்த முடிவு அல்ல.

அரசாங்கத்தை முறையாகவும், திறமையாகவும், தீவிரமாகவும் நடத்த வேண்டும் என்று பொதுமக்கள் சரியாக எதிர்பார்க்கிறார்கள். இதுவே எனது கடைசி மந்திரி பணியாக இருக்கலாம், ஆனால் இந்த தரநிலைகள் போராடுவதற்கு தகுதியானவை என்று நான் நம்புகிறேன், அதனால் தான் ராஜினாமா செய்கிறேன்.

பிரித்தானியாவில் இறுதி நாட்களை எண்ணிக்கொண்டிருந்த இந்திய வம்சாவளி பெண்ணுக்கு கிடைத்த மறுபிறவி! 

அரசாங்கத்தை விட்டு வெளியேறுவது வருத்தமாக உள்ளது" என்று கூறினார், ஆனால் "நான் இதைத் தொடர முடியாது" என்ற முடிவுக்கு வந்துள்ளதாக ரிஷி சுனக் தனது ராஜினாமா கடிதத்தில் தெரிவித்துள்ளார்.

பிரதமர் போரிஸ் ஜான்சன் தனது முன்னாள் விப் கிறிஸ் பிஞ்சர் மீது பாலியல் முறைகேடு புகார்கள் கூறப்பட்டதை தொடர்ந்து, அவர் அரசாங்கப் பணிக்கு தகுதியற்றவர் என்பதை உணராமல் அவர் செய்த தவறுக்கு மன்னிப்புக் கேட்டதால் இந்த ராஜினாமாக்கள் வந்துள்ளன.