கடலில் இழுத்துச் செல்லப்பட்ட இரண்டு மகன்கள்: பிரித்தானிய தாய் செய்த உயிர் தியாகம்

United Kingdom Accident

By Thiru Oct 24, 2026 09:36 PM GMT

Thiru

in ஐக்கிய இராச்சியம்

Report

Uk Mother saving sons from Treacherous Bahamian: கடலில் சிக்கிய மகன்களை காப்பாற்ற முயன்று உயிரை தியாகம் செய்த பிரித்தானிய தாய்க்கு குடும்பத்தினர் அஞ்சலி செலுத்தி வருகின்றனர்.

இரண்டு மகன்களை காப்பாற்றிய தாய்

பிரித்தானியாவின் நாட்டிங்ஹாம்ஷையர் பகுதியை சேர்ந்த லீயான் கிரிகோரி(36) என்ற தாய், பஹாமஸின் பிமினி தீவு அருகே உள்ள கடலில் குடும்பத்தினருடன் 'ஸ்னார்க்கலிங்' (Snorkeling) பயிற்சியில் ஈடுபட்டிருந்தார்.

அப்போது எழுந்த எதிர்பாராத ராட்சத அலையில் லீயான் கிரிகோரியின் இரண்டு மகன்களும் கடலுக்குள் இழுத்து செல்லப்பட்டுள்ளனர்.

கடலில் இழுத்துச் செல்லப்பட்ட இரண்டு மகன்கள்: பிரித்தானிய தாய் செய்த உயிர் தியாகம் | Uk Mother Saving Sons From Treacherous Bahamian

இதை பார்த்த லீயான் கிரிகோரி சிறிதும் யோசிக்காமல் கடலுக்குள் பாய்ந்து தன்னுடைய இரண்டு மகன்களையும் நீரில் மூழ்காமல் பிடித்துக் கொண்டு போராடியுள்ளார்.

சம்பவ இடத்திற்கு விரைந்த மீட்பு படையினர் இரண்டு சிறுவர்களையும் பாதுகாப்பாக மீட்ட போதிலும், அலையுடன் போராடி ஏற்பட்ட சோர்வு காரணமாக லீயான் கிரிகோரி தன்னை காப்பாற்றிக் கொள்ள முடியாமல் நீரில் மூழ்கியுள்ளார்.

இதையடுத்து செவ்வாய்க்கிழமை காலை 10 மணியளவில் வடக்கு பிமினி படகு முனைக்கு பெண் ஒருவர் சுயநினைவின்றி கொண்டு வரப்பட்டதாக காவல்துறைக்கு தகவல் கிடைத்துள்ளது.

பின்னர் சம்பவ இடத்திற்கு விரைந்த மீட்பு குழுவினர் அவருக்கு உடனடியாக முதலுதவி சிகிச்சைகள் அளித்து மருத்துவமனைக்கு அனுப்பி வைத்தனர்.

ஆனால் துரதிர்ஷ்டவசமாக அவர் ஏற்கனவே உயிரிழந்து விட்டதாக மருத்துவர்கள் தெரிவித்துள்ளனர்.

குடும்பத்தினர் அஞ்சலி

இந்நிலையில் இரண்டு மகன்களின் உயிரை காப்பாற்ற தன் உயிரை தியாகம் செய்த தாய் லீயான் கிரிகோரி-க்கு குடும்பத்தினர் மற்றும் நண்பர்கள் உருக்கமான இரங்கலை தெரிவித்து வருகின்றனர்.

தன்னுடைய மனைவியின் வீரமிக்க செயலால் இரண்டு மகன்களும் உயிர் பிழைத்ததற்கு லீயான் கிரிகோரியின் கணவர் நாதன் கிரிகோரி நன்றி தெரிவித்துள்ளார்.

மேலும் தாயை இழந்து தவிக்கும் தனது இரண்டு மகன்களின் எதிர்கால பாதுகாப்பிற்காக நிதி திரட்டும் முயற்சியையும் லீயான் கிரிகோரியின் கணவர் நாதன் கிரிகோரி தொடங்கியுள்ளார்.

மேலும் ஐக்கிய இராச்சியம் செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்