பள்ளிப்பருவத்தில் தாயாகி, 33 வயதில் பாட்டியான பிரித்தானிய பெண்!

15 வயதில் தாயான பெண் ஒருவர், இப்போது 33 வயதில் பிரித்தானியாவின் இளம் வயது பாட்டியான கதைதான் இது.

தற்போது பெண்கள் தங்கள் தொழிலுக்கு அதிக முக்கியத்துவம் கொடுத்து வருகின்றனர். எனவே, அவர்கள் 30-33 வயதில் திருமணம் செய்துகொண்டாலும் இக்காலத்தல் ஆச்சரியப்படுவதற்கில்லை.

33 வயதில் பாட்டி

பெண்கள் பொதுவாக 25 முதல் 30 வயதிற்குள் குழந்தையை பெற்றெடுத்து தாயாகின்றனர். ஆனால் பிரித்தானியாவை சேர்ந்த பெண் ஒருவர் தனது 15 வயதில் தாயானார், இப்போது 33வது வயதில் பாட்டியாகியுள்ளார்.

இப்போது, அதே வழியில் அவரது மகள் ரோஸ் (Rose) மிக இளம் வயதிலேயே ஒரு பெண் குழந்தையைப் பெற்றெடுத்துள்ளார்.

Image: Emma Trimble / SWNS

15 வயதில் தாயானாள்

இங்கிலாந்தில் Lincoln பகுதியைச் சேர்ந்த ரூத் கிளேட்டன் (Ruth Clayton) எனும் பெண் தான் இப்போது 33 வயதில் பாட்டியாகி, பிரித்தானியாவில் இளம் வயதிலேயே பாட்டியான பெண்களில் ஒருவராக மாறியுள்ளார்.

ரூத் கிளேட்டன் தனது 14 வயதில் கர்ப்பமாகி, 15 வயதில் பள்ளியில் படிக்கும்போதே மேலும் தனது மகள் ரோஸை பெற்றெடுத்தார். இப்போது அவரது மகள் ரோஸும் பள்ளியில் படிக்கும்போதே மகள் கோராவை (Cora) பெற்றெடுத்துள்ளார்.

ரூத், 4 வயதில் ரோஸ் Image: Courtesy Ruth Clayton / SWNS)

14 வயதில் கர்பமானபோது பயத்தில் கருவைக் கலைக்க ஏற்பாடு செய்ததாகவும், பேருந்தில் ஏறி மருத்துவமனைக்கு செல்லும் வழியில் முடிவை மாற்றிக்கொண்டதாகவும். ரோஸ் பிறந்த பிறகு, தான் சிறந்த முடிவைத்தான் எடுத்திருப்பதாக உணர்ந்ததாக ரூத் கூறினார்.  

பேத்தியை ​​தன் சொந்த மகளாகவே உணர்கிறேன்

துணைப் பணியாளராகப் பணிபுரியும் ரூத்துக்கு இதில் எந்தப் பிரச்சினையும் இல்லை. தற்போது 34 வயதான ரூத், இந்த இளம் வயதில் பாட்டியாக இருப்பதில் மிகவும் மகிழ்ச்சியாக இருப்பதாக வெளிப்படுத்துகிறார். அவர் தனது பேத்தியை ​​தன் சொந்த மகளாகவே உணர்கிறேன் என்று கூறுகிறார்.

அதுமட்டுமின்றி, தனது பேத்தியான கோராவை தனது மகள் ரோஸ் கொடுத்திருக்கக்கூடிய சிறந்த பரிசு என்று கூறினார்.

Image: Emma Trimble / SWNS

பிரிட்டனின் இளைய பாட்டி என்ற பட்டம்

ஏற்கெனெவே, 2028-ல் Kelly Healey என்ற பிரித்தானிய பெண் தனது 30 வயதில் பாட்டியாகி பிரிட்டனின் இளைய பாட்டி என்ற பட்டத்தை கொண்டுள்ளார். அவரது மகள் ஸ்கை 14 வயதில் ஒரு பெண் குழந்தையைப் பெற்றெடுத்தது குறிப்பிடத்தக்கது.

Image: Emma Trimble / SWNS

Britain's youngest grandmother, Ruth Clayton, Young Grandmother