உலகிலேயே முதன்முறையாக காலநிலை பாதுகாப்பு பிரதிநிதியை நியமித்த பிரித்தானியா

UK Names First Climate Security Envoy Globally: உலகிலேயே முதன்முறையாக காலநிலை பாதுகாப்பு பிரதிநிதியை பிரித்தானியா நியமித்துள்ளது.

காலநிலை பாதுகாப்பு பிரதிநிதியை நியமித்த பிரித்தானியா

காலநிலை மாற்றம் உலக நாடுகளுக்கு புதிய பாதுகாப்பு அச்சுறுத்தலாக மாறி வரும் நிலையில், பிரித்தானியா முக்கியமான வரலாற்றுச் சிறப்புமிக்க ஒரு முடிவை எடுத்துள்ளது.

உலகிலேயே முதல் முறையாக "காலநிலை பாதுகாப்பு சிறப்பு பிரதிநிதி" (Special Representative for Climate Security) பதவியை உருவாக்கி, அதற்கு Madeleine Alessandri-யை நியமித்துள்ளதாக பிரதமர் ஆன்டி பர்னாம் (Andy Burnham) அறிவித்துள்ளார்.

இந்த அறிவிப்பு துருக்கியின் அன்டால்யா நகரில் நடைபெறும் COP31 ஐக்கிய நாடுகள் காலநிலை உச்சி மாநாட்டில் வெளியிடப்பட உள்ளது.

புதிய பதவியின் முக்கிய நோக்கம், காலநிலை மாற்றத்தால் உருவாகக்கூடிய தேசிய பாதுகாப்பு அபாயங்களை முன்கூட்டியே அரசுக்கு கண்டறிந்து ஆலோசனை வழங்குவதாகும்.

மகள் பிறந்த மறுநாளே ரூ.1.5 கோடி லொட்டரி பரிசு

சமீபத்தில் பிரித்தானியா தனது வரலாற்றிலேயே மிக அதிக வெப்பமான கோடைக்காலத்தை அனுபவித்தது. தொடர்ந்து ஏற்பட்ட வெப்ப அலைகள் சுகாதார சேவைகள், போக்குவரத்து மற்றும் கல்வித்துறையை பாதித்ததுடன், ஆயிரக்கணக்கான மக்களின் உயிரிழப்பிற்கும் காரணமாக இருந்ததாக பிரதமர் குறிப்பிட்டுள்ளார்.

காலநிலை நெருக்கடி இனி எதிர்கால பிரச்சினையல்ல, தற்போது உலகம் எதிர்கொள்கின்ற சவாலாக மாறிவிட்டதாக அவர் தெரிவித்தார்.

மின்சார வாகன விற்பனையை குறைக்க பிரித்தானிய அரசு திட்டம்

Madeleine Alessandri

புதிய சிறப்பு பிரதிநிதியாக நியமிக்கப்பட்டுள்ள Madeleine Alessandri, பிரித்தானியாவின் Joint Intelligence Committee (JIC) தலைவராக பணியாற்றி வருகிறார். இந்த குழு MI5 மற்றும் MI6 போன்ற உளவுத்துறைகளின் பணிகளை ஒருங்கிணைக்கும் முக்கிய அமைப்பாகும். அவரது அனுபவம் காலநிலை மாற்றம் மற்றும் தேசிய பாதுகாப்பு இடையிலான தொடர்புகளை மதிப்பீடு செய்ய உதவும் என அரசு நம்புகிறது.

மேலும், 2050-ஆம் ஆண்டிற்குள் Net Zero இலக்கை அடைவதில் பிரித்தானியா உறுதியாக இருப்பதாகவும், 2035-க்குள் 35 சதவீத மின்மயமாக்கல் இலக்கை ஆதரிப்பதுடன், உலகளாவிய சுத்தமான எரிசக்தி திட்டங்களுக்கு 5 பில்லியன் பவுண்டு தனியார் முதலீட்டை ஈர்க்க உதவவுள்ளதாகவும் அரசு தெரிவித்துள்ளது.

பிரித்தானிய விமான தளத்திலிருந்து வெளியேறிய அமெரிக்க இராணுவ விமானங்கள்