பிரித்தானியாவின் புதிய பிரதமராகும் ஆன்டி பர்னாம்: அவரது குடும்பம் குறித்து சில தகவல்கள்

லேபர் கட்சியின் தலைவராகத் தேர்ந்தெடுக்கப்பட்டுள்ள ஆன்டி பர்னாம், திங்கட்கிழமை, அதாவது, ஜூலை மாதம் 20ஆம் திகதி முறைப்படி பிரித்தானியாவின் பிரதமராக பதவியேற்க உள்ளார்.

இந்நிலையில், அவரது குடும்பம் குறித்த சில தகவல்களைத் தெரிந்துகொள்ளலாம்.

ஆன்டி பர்னாமின் குடும்பம்

ஆன்டி பர்னாமின் மனைவியின் பெயர், மேரி ஃப்ரான்ஸ் வான் ஹீல் (Marie-France van Heel, 56). அவர் ‘Frankie’ என அழைக்கப்படுகிறார்.

நெதர்லாந்தில் பிறந்தவரான ஃப்ராங்கி, கேம்ப்ரிட்ஜ் பல்கலையில் பயில்வதற்காக பிரித்தானியா வந்தார்.

1989ஆம் ஆண்டு, அதே பல்கலையில் இரண்டாம் ஆண்டில் படித்துக்கொண்டிருந்த ஆன்டி பர்னாமை சந்தித்தார் அவர். 

ஷபானா நிதி அமைச்சரானால் அது ஒரு பேரழிவாக இருக்கும்: வலுக்கும் எதிர்ப்புக் குரல்கள்

காதலித்து இணைந்துவாழத் துவங்கிய ஆன்டி பர்னாம், ஃப்ராங்கி தம்பதியர் 2000ஆம் ஆண்டு திருமணம் செய்துகொண்டார்கள்.

ஃப்ராங்கி, Iduna என்னும் நிறுவனத்தில் chief marketing officer என்னும் பொறுப்பு வகித்துவருகிறார்.

ஆன்டி பர்னாம், ஃப்ராங்கி தம்பதியருக்கு மூன்று பிள்ளைகள். மூத்த மகன் ஜிம்மி பர்னாம், வரலாற்றில் பட்டம் பெற்றவர், Royal College of Nursingஇல் International Policy Officer என்னும் பொறுப்பு வகிக்கிறார்.

இரண்டாவது மகளான ரோஸி பர்னாம், குற்றவியலில் பட்டம் பெற்றவர், Jägermeister UK என்னும் அமைப்பில் Customer Development Executive என்னும் பொறுப்பு வகிக்கிறார். 

தம்பதியரின் மூன்றாவது மகளான ஆன் மேரி பர்னாம், ஆங்கிலத்தில் பட்டம் பெற்றவர். 

சில அரசியல் தலைவர்களின் மனைவிகளைப் போல, ஆன்டி பர்னாமின் மனைவியான ஃப்ராங்கி பொதுவாக பொது இடங்களில் அதிகம் தலைகாட்டுவதில்லை.