லங்காசிறி FM
பிரித்தானியாவில் இருவருக்கிடையே எழுந்த வாக்குவாதம்: இளைஞரை துப்பாக்கியால் சுட்ட பொலிஸார்!
Thiru
in ஐக்கிய இராச்சியம்
பிரித்தானியாவின் சர்ரே கிராமத்தில் இளைஞர் ஒருவரை பொலிஸார் துப்பாக்கியால் சுட்டது பரபரப்பை ஏற்படுத்தியுள்ளது.
பொலிஸார் துப்பாக்கி சூடு
பிரித்தானியாவின் சர்ரே(Surrey) கிராமத்தில் தீவிர வாக்குவாதம் தொடர்பான தகவல்களுக்கு பிறகு, சம்பவ இடத்திற்கு விரைந்த பொலிஸார் இளைஞர் ஒருவரை துப்பாக்கியால் சுட்ட சம்பவம் பரபரப்பை ஏற்படுத்தியுள்ளது.
20 வயதுடைய அந்த இளைஞர் தற்போது தீவிரமான நிலையில் மருத்துவமனையில் அனுமதிக்கப்பட்டுள்ளார்.
வாக்குவாதம்
நாஃபில்(Knaphill) நர்சரி சாலையில் நள்ளிரவுக்கு பிறகு ஆயுதம் ஏந்திய நபர் உட்பட இருவருக்கு இடையிலான வாக்குவாதம் குறித்த தகவலை தொடர்ந்து சர்ரே பொலிஸார் சம்பவ இடத்துக்கு விரைந்தனர்.
இருவரில் ஒருவர் பொலிஸாரின் துப்பாக்கி சூட்டுக்கு உள்ளாகி மருத்துவமனையில் அனுமதிக்கப்பட்டுள்ளார்.
வாக்குவாதத்தில் ஈடுபட்ட இருவரும் ஒருவரை ஒருவர் அறிந்தவர்கள் என்பது குறிப்பிடத்தக்கது.
விசாரணையில் பொலிஸார்
துப்பாக்கி சூடு நடத்திய அதிகாரியிடம் இருந்து ஆயுதம் பறிமுதல் செய்யப்பட்டுள்ளது.
மேலும் பொலிஸ் நடத்தையை கண்காணிக்கும் சுயாதீன அலுவலகத்திற்கு சர்ரே காவல்துறை கட்டாய பரிந்துரை செய்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
