லங்காசிறி FM
புதிய தேர்தல் விதிகளை உருவாக்கும் பிரித்தானிய அரசு., எலோன் மஸ்க் நன்கொடைகளுக்கு செக்
Ragavan
in ஐக்கிய இராச்சியம்
புதிய தேர்தல் விதிகளை உருவாக்கும் பிரித்தானிய அரசு., எலோன் மஸ்க் நன்கொடைகளை தடுக்க நடவடிக்கை
பிரித்தானிய அரசாங்கம், வெளிநாட்டு நன்கொடையாளர்கள் அரசியல் கட்சிகளுக்கு நன்கொடைகள் வழங்குவதை தடுக்க புதிய விதிகளை உருவாக்கி வருகிறது.
தற்போதைய சட்டப்படி, பிரித்தானியாவில் பதிவு செய்யப்பட்ட எந்த நிறுவனமும் நன்கொடைகளை வழங்கலாம், அத்துடன் வெளிநாட்டு ஆதரவாளர்கள் இந்நிறுவனங்களை பயன்படுத்தி நன்கொடைகளை வழங்கலாம்.
ஆனால், அரசியல் நன்கொடைகள் அந்நிறுவனத்தின் லாபம் அல்லது வருமானத்திற்கேற்ப கட்டுப்படுத்தப்பட வேண்டும் என்பதற்கான திட்டங்களை பிரித்தானிய அரசு உருவாக்கியுள்ளதாக Sky News தகவல் தெரிவித்துள்ளது.
இந்த மாற்றங்கள் எலோன் மஸ்கை மையமாகக் கொண்டு எடுக்கப்படுவதாக அரசியல் வட்டாரங்கள் தெரிவிக்கின்றன.
மஸ்க், Reform UK கட்சிக்கு 100 மில்லியன் டொலர் (பிரிட்டிஷ் பவுண்டில் £80 மில்லியன்) நன்கொடையாக வழங்க உள்ளதாக செய்திகள் வெளியான நிலையில், இது அடுத்த பொதுத் தேர்தலுக்கு முன் நடக்கும் என்று கருதப்படுகிறது.
எனவே, அரசாங்கம் தேர்தல் மசோதாவை விரைவாக நிறைவேற்ற திட்டமிட்டுள்ளது.
எலோன் மஸ்கின் நன்கொடையால் பிரித்தானிய அரசியல் கட்சிகளுக்கு இதுவரை வழங்கப்பட்ட நன்கொடைகளைக் காட்டிலும் மிகப்பெரிய தாக்கம் ஏற்படும்.
ஆனால், மஸ்க் பிரித்தானிய வாக்காளராக இல்லை என்பதுடன், அவரது X.AI London Limited நிறுவனம் எந்த வருமானமும் ஈட்டவில்லை என்பது குறிப்பிடத்தக்க காரணங்களாகும்.
இந்த புதிய சட்டங்கள் நடைமுறைக்கு வந்தால், Reform UK-க்கு அவர் நன்கொடையாக வழங்கும் வழிகள் தடுக்கப்படும்.
மேலும், பதியப்படாத சங்கங்களிடமிருந்து நன்கொடைகளை பெறும் போது தீவிர சரிபார்ப்பு நடைமுறை கொண்டு வரப்படும் எனவும் கூறப்படுகிறது.
பிரித்தானிய மக்களின் கருத்து
பிரித்தானிய மக்கள் வெளிநாட்டு நன்கொடைகளை மிகுந்த விரோதத்துடன் பார்க்கின்றனர்.
77% மக்கள் வெளிநாட்டு நபர்கள் பிரித்தானிய அரசியல் கட்சிகளுக்கு நன்கொடைகள் வழங்கக் கூடாது என்று கருதுகின்றனர், அதே நேரத்தில் Reform UK ஆதரவாளர்களிலும் 73% பேர் இதையே ஒப்புக்கொள்கின்றனர்.
இந்த புதிய மாற்றங்கள் அரசியல் நன்கொடைகளில் மறைமுக நிதி சர்ச்சைகளை குறைக்கும் மற்றும் பாராளுமன்றத்தின் நிதிநிலை தெளிவாக இருக்கும் என்று எதிர்பார்க்கப்படுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
கந்தரோடை, பிரித்தானியா, United Kingdom
21 Mar, 2020
புங்குடுதீவு 10ம் வட்டாரம், புங்குடுதீவு 12ம் வட்டாரம், Rosny-sous-Bois, France
20 Mar, 2023
யாழ் கோண்டாவில் வடக்கு, Jaffna, Ilford, United Kingdom, Birmingham, United Kingdom
04 Mar, 2025
கோப்பாய் வடக்கு, Bochum, Germany, London, United Kingdom, Hayes, United Kingdom, Slough, United Kingdom
13 Mar, 2025