பிரித்தானியா பிக் சர்ச்சில் திருவிழாவில் நடந்த கோர விபத்து: பெயர்ப்பலகை சரிந்ததில் ஒருவர் பலி

Uk’s Big Church Festival Accident 1 Dead, 6 Injured: பிரித்தானியாவின் பிக் சர்ச்சில் திருவிழாவில் நடந்த விபத்தில் ஒருவர் உயிரிழந்துள்ளார்.

கோவில் திருவிழாவில் விபத்து

வெஸ்ட் சசெக்ஸ்(West Sussex) நகரில் நடைபெற்ற பிக் சர்ச் திருவிழாவில்(Big Church Festival) விஸ்டன் பூங்காவில்(Wiston Park) இருந்த பெரிய கட்டமைப்பு பெயர் பலகை சரிந்து விழுந்ததில் ஈஸ்ட்போர்ன் பகுதியை சேர்ந்த 41 வயது நபர் சம்பவ இடத்திலேயே உயிரிழந்ததாக அறிவிக்கப்பட்டார்.

வெள்ளிக்கிழமை பிற்பகலில் பெயர் பலகை சரிந்து விழுந்ததாக கிடைத்த அவசர தகவலை தொடர்ந்து  விபத்து நடைபெற்ற இடத்திற்கு சம்பவ இடத்திற்கு மீட்பு படையினர் விரைந்தனர்.

இந்த சம்பவத்தில் குறைந்தது 6 பேர் வரை காயமடைந்த நிலையில் அவர்கள் உடனடியாக மீட்கப்பட்டு மருத்துவமனைக்கு அழைத்துச் செல்லப்பட்டனர்.

2026-இல் பிரித்தானியாவில் நிரந்தர குடியுரிமை பெற்ற 35,000 இந்தியர்கள்

ரத்து செய்யப்பட்ட கோவில் திருவிழா

ஆரம்பத்தில் வெள்ளிக்கிழமை மாலை மற்றும் நிகழ்ச்சிகள் ரத்து செய்யப்படுவதாக அறிவிக்கப்பட்டது. ஆனால் பின்னர் ஞாயிற்றுக்கிழமை வரை நடைபெறும் திருவிழாவின் எஞ்சிய பிற நிகழ்ச்சிகளும் ரத்து செய்யப்படுவதாக அறிவிக்கப்பட்டுள்ளது.

பெயர் பலகை சரிவு குறித்து சசெக்ஸ் காவல்துறையினர் தீவிரமாக விசாரணை நடத்தி வருகின்றனர்.

வெள்ளிக்கிழமை ஷோர்ஹாம் பகுதியில் மணிக்கு 27 மைல் வேகத்தில் காற்று வீசியதாக வானிலை மையம் அறிவித்திருந்த நிலையிலும், விபத்துக்கான காரணத்தை பொலிஸார் தீவிரமாக விசாரித்து வருகின்றனர்.

மேலும் விபத்து தொடர்பான வீடியோ காட்சிகளை யாரேனும் பதிவு செய்து இருந்தால் உடனடியாக காவல்துறையை தொடர்பு கொள்ளுமாறு கேட்டுக் கொண்டுள்ளனர்.