பிரித்தானியாவில் கார் அதிகம் திருடு போகும் பகுதிகள் இது தான்! வெளியான எச்சரிக்கை தகவல்
பிரித்தானியாவில் எந்த பகுதிகளில் அதிகம் கார்கள் திருடப்பட்டு வருகின்றன என்ற விபரம் வெளியாகியுள்ளது.
பிரித்தானியாவின் East Midlands-ன் ஒரு பகுதியை உள்ளடக்கிய LE2 அஞ்சல் குறியீடு கொண்ட 342 கார்கள் கடந்த ஆண்டு திருடப்பட்டுள்ளது.
இதற்கு அடுத்தப்படியாக Slough நகரின் ஒரு பகுதியை உள்ளடக்கிய SL1 அஞ்சல் குறியீடு கொண்ட கார்கள் திருடப்பட்டுள்ளன. இந்த தகவல் DVLA நடத்திய ஆய்வில் தெரியவந்துள்ளது.
கார் கொள்ளையர்களுக்கு Fiestas மிகவும் பிடித்தமான மொடலாக இருந்துள்ளது. இதற்கு அடுத்தப்படியாக அவர்கள் VW Golf,Ford Focus மற்றும் Vauxhall Corsa ஆகிய கார்களை திருடி வருகின்றனர்.
அதுமட்டுமின்றி Aldershot, Hants, மற்றும் Swindon, Wilts போன்ற பகுதிகளில், Range Rover Evoque மற்றும் Land Rover Discovery ஆகிய கார்கள் அவர்களுக்கு மிகவும் பிடித்த கார்களாக இருந்து வருகிறது.
கடந்த ஆண்டு பிரித்தானியாவில் ஒவ்வொரு ஏழு நிமிடங்களுக்கும் கார் திருட்டு நடக்கிறது. அதாவது கடந்த 2019-வுடன் ஒப்பிட்டால் கிட்டத்தட்ட 75,000 கார்கள், 33 சதவீதம் அதிகரித்துள்ளது.
குறிப்பாக இதில் Darlington, Milton Keynes மற்றும் Stockport ஆகிய நகரங்களில் உள்ள அஞ்சள் குறியீடுகளை கொண்ட கார்கள் அதிகம் திருடப்படும் டாப் 10 பட்டியலில் உள்ளது.
தற்போது வரும் பல கார்களில் எலக்ட்ரிக் கண்ட்ரோல் இருப்பதால், இதை திருடர்கள் எலக்ட்ரிக் கண்ட்டோல் ஜாம்மிங் மூலம் எளிதாக செய்துவிடுகின்றனர்.
இதன் காரணமாகவே பொலிசார் வாகனம் திருடுபோகும் பகுதிகளில் கார்களை சிசிடிவி கேமராக்கள் இருக்கும் இடங்களிலும், வாகன நெரிசல் மிகுந்த பகுதிகளிலுமே நிறுத்தும் படி எச்சரிக்கின்றனர்.
கடந்த 2020-ஆம் ஆண்டின் ஜனவரி 1 முதல் டிசம்பர் 31-ஆம் திகதி வரை பிரித்தானியாவில் திருடப்பட்ட கார்களின் எண்ணிக்கை அஞ்சல் குறியீடுடன் தரவுகள் வெளியாகியுள்ளது.
அதில் அதிகம் கார் திருடப்படும் முதல் பத்து இடங்கள்(அஞ்சல் குறியீடுடன்)
- LE2 (Leicester) 342
- SL1 (Slough) 285
- SN5 (Swindon) 268
- GU11 (Aldershot) 263
- B25 (Birmingham) 256
- MK14 (Milton Keynes) 252
- SK3 (Stockport) 233
- DL1 (Darlington) 225
- SL3 (Slough) 192
- L39 (Ormskirk) 177