லங்காசிறி FM
UK MasterChef Champion 2024 பட்டத்தை வென்ற இலங்கைத் தமிழன்
பிரித்தானியாவில் புகழ்பெற்ற ரிவி நிகழ்ச்சி இலங்கைத் தமிழர் ஒருவர் Champion பட்டத்தை வென்று சந்தித்துள்ளார்.
பிரித்தானியாவில் வாழும் இலங்கைத் தமிழரும், கால்நடை வைத்தியருமான பிரின் பிரதாபன் (Brin Pirathapan), உலகப் புகழ்பெற்ற சமையல் போட்டியின் 20வது சீசனில் வெற்றிபெற்று, MasterChef Champion 2024 என்ற மதிப்புமிக்க பட்டத்தை வென்றுள்ளார்.
இந்த சமையல் போட்டியில் நீதிபதிகள் ஜான் டோரோட் (John Torode) மற்றும் கிரெக் வாலஸ் (Gregg Wallace) ஆகியோரால் பிரின் பிரதாபனுக்கு மாஸ்டர்செஃப் கோப்பை வழங்கப்பட்டது.
29 வயதாகும் பிரின் பிரதாபன், தனது தமிழ்ப் பின்னணியில் இருந்து கிடைத்த உத்வேகத்திரிலிருந்து தான் தைரியமான, ஆக்கப்பூர்வமான சுவைகளின் சேர்க்கைகளை உருவாக்க முடிந்ததாக கூறியுள்ளார்.
தனது வரலாற்றுச் சிறப்புமிக்க வெற்றிக்கு, தனது உணவு மற்றும் சுவையின் மீது தனது விருப்பத்தைத் தூண்டியதற்காக தனது பெற்றோருக்கு நன்றி தெரிவித்துள்ளார்.
இதன்மூலம், சிவில் இன்ஜினியரான தந்தை கோபால் மற்றும் வங்கியில் பணிபுரியும் தாய் டார்லி ஆகியோருக்கு பெருமை சேர்த்தார்.
தனது பெற்றோர் சிறந்த சமையல்காரர்கள் என்றும் தனது வாழ்நாள் முழுவதும் அற்புதமான தமிழ் சுவைகளைக் கொண்டிருக்கும் அதிர்ஷ்டம் தனக்கு கிடைத்திருப்பதாகவும் பிரின் கூறினார்.
இறுதி எபிசோடில், இலங்கையில் இனக்கலவரம் தலைதூக்கிஇருந்த கடினமான சூழ்நிலையில் பிரித்தானியாவிற்கு எப்படி வந்தோம் என்று அவரது பெற்றோர்கள் பேசினர். இலங்கை பாதுகாப்பான இடமாக இல்லாததால் அவர்கள் பிரித்தானியாவிற்கு வந்ததாக கூறினர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
Sri Lankan Tamil, UK Sri Lankan Tamil, MasterChef Champion 2024, Brin Pirathapan, பிரின் பிரதாபன், இலங்கைத் தமிழன்
புதுக்குளம், Ilford, United Kingdom, பிரித்தானியா, United Kingdom
10 Jul, 2019
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
