லங்காசிறி FM
பிரித்தானியாவில் ஆண்டுக்கு 1 மில்லியன் பவுண்டுகள் சம்பாதிக்கும் ஒருவர் எவ்வளவு வரி செலுத்த வேண்டும்?
Arbin
in ஐக்கிய இராச்சியம்
பிரித்தானியாவில் மிக அதிக வருமானம் ஈட்டுபவர்கள் என வகைப்படுத்தப்பட்டவர்களின் எண்ணிக்கையில் திடீர் உயர்வு ஏற்பட்டுள்ளது.
அதிக வருமானம் ஈட்டுபவர்கள்
வெளியான தரவுகளின் அடிப்படையில், 2024/25 வரி ஆண்டில் அனைத்து வயதினரிலும் சுமார் 31,000 வரி செலுத்துவோர் ஆண்டுக்கு 1 மில்லியன் பவுண்டுகள் அல்லது அதற்கு மேற்பட்ட வருமானம் ஈட்டியுள்ளனர்.
கடந்த ஆண்டில் இந்த எண்ணிக்கை 29,600 என இருந்தது. இந்த மிக அதிக வருமானம் ஈட்டுபவர்களின் மொத்த வருமானம் என்பது 89.1 பில்லியன் பவுண்டுகள் என்றே தெரிய வருகிறது.
2023/24 வரி ஆண்டில் இருந்து 5.2 பில்லியன் பவுண்டுகள் அதிகம். அதாவது இந்த 31,000 அதிக வருமானம் ஈட்டுபவர்கள் ஒவ்வொருவருக்கும் அனைத்து வரிகள் போக அவர்களின் வருவாய் என்பது கிட்டத்தட்ட 2.9 மில்லியன் பவுண்டுகள் என்றே தெரிய வருகிறது.
இந்த நிலையில் பிரித்தானியாவில் 30 வயது அல்லது அதற்குக் குறைவான வயதுடைய கோடீஸ்வரர்களின் எண்ணிக்கை 1,000 என்ற புதிய சாதனை அளவை எட்டியுள்ளது என்று தரவுகள் காட்டுகிறது.
பிரித்தானியாவில் ஆண்டுக்கு குறைந்தது 1 மில்லியன் பவுண்டுகள் சம்பாதிக்கும் இளம் வரி செலுத்துவோரின் எண்ணிக்கை 2024/25 வரி ஆண்டில் 11 சதவீதம் அதிகரித்து 1,000 ஆக அதிகரித்துள்ளது, இது முந்தைய ஆண்டு 900 ஆக இருந்தது.
45 சதவீத வருமான வரி
வருடத்திற்கு 1 மில்லியன் பவுண்டுகள் சம்பாதிக்கும் ஒருவர் பொதுவாக வருடத்திற்கு 400,000 பவுண்டுகளுக்கும் அதிகமாக வரி செலுத்த வேண்டியிருக்கும். வருடத்திற்கு 2.5 மில்லியன் பவுண்டுகள் வருமானம் உள்ள எவரும், வரி சலுகை நடவடிக்கைகளைப் பயன்படுத்தாமல், 1,336,786.35 பவுண்டுகள் எதிர்பார்க்கலாம், இதில் 52,010.60 பவுண்டுகள் தேசிய காப்பீட்டுக்காக ஒதுக்கப்படுகிறது.
45 சதவீத வருமான வரி விகிதத்தால் சுமார் 1,068,687 பவுண்டுகள் அரசுக்கு செலுத்த வேண்டும். ஆண்டுக்கு 5 மில்லியன் பவுண்டுகள் சம்பாதித்தால், தேசிய காப்பீட்டுக்கு என 102,010.60 பவுண்டுகள் செலுத்த வேண்டும், வரிகள் போக 2,661,786.35 பவுண்டுகள் மிஞ்சும்.
ஆண்டுக்கு 1 மில்லியன் பவுண்டுகள் அல்லது அதற்கு மேல் சம்பாதிக்கும் இளம் வரி செலுத்துவோரின் மொத்த வருமானம் 3 பில்லியன் பவுண்டுக்கும் அதிகமாகும், இது முந்தைய ஆண்டை விட 5.9 சதவீதம் அதிகமாகும்.
2020/21 ஆம் ஆண்டில், 30 வயதுக்குட்பட்ட சுமார் 800 பேர் 1 மில்லியன் பவுண்டுக்கும் அதிகமான வருமானம் ஈட்டியிருந்தனர். 2019 மற்றும் 2024 க்கு இடையில் சமூக ஊடகங்களில் விளம்பரதாரர்களின் செலவு 917 மில்லியன் பவுண்டுகளாக உயர்ந்துள்ளது, மேலும் இந்த ஆண்டு 1 பில்லியன் பவுண்டுகளைத் தாண்டும் என்று கணிக்கப்பட்டுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள் |
ஊர்காவற்றுறை, Biel/Bienne, Switzerland, கொழும்பு, யாழ்ப்பாணம், வேலணை
17 Mar, 2025
செம்பியன்பற்று, கொழும்பு, திருச்சி, India, London, United Kingdom
24 Mar, 2026
கிளிநொச்சி, மதுரை, தமிழ்நாடு, India, சென்னை, India, திருகோணமலை, கொழும்பு, London, United Kingdom
28 Mar, 2026
திருநெல்வேலி, கொக்குவில் கிழக்கு, Farnborough, United Kingdom
26 Mar, 2026