லங்காசிறி FM
மூன்று கப்பல்கள் மூழ்கியபோதும் உயிர்பிழைத்த அதிர்ஷ்டசாலி பூனை!
Ragavan
in ஐக்கிய இராச்சியம்
மூன்று கப்பல்கள் மூழ்கியபோதும் அதிர்ஷ்டவசமாக எல்லா சந்தர்ப்பத்திலும் அதிலிருந்த ஒரு பூனை மட்டும் உயிர்பிழைத்த ஆச்சரியமான வரலாற்று தகவல் இது..
கடந்த காலங்களில் கப்பல்களில் பூனைகள் அதிகளவில் வளர்க்கப்பட்டன. கப்பல்களில் பூனைகளின் முக்கிய கடமை எலிகளை பிடிப்பது.
அந்த வகையில், ஆஸ்கார் என்ற பூனை கப்பலில் எலி பிடிக்கும் வேலையில் இருந்தது. ஆஸ்கார் ஒரு கருப்பு வெள்ளை பூனை. இந்த பூனையை ஆஸ்கார் என்று சொன்னால் இன்று யாருக்கும் தெரியாது. ஆனால், 'அன்சிங்கபிள் சாம்' (Unsinkable Sam) என்று தான் பலரும் கேள்விப்பட்டிருப்பார்கள். மூன்று கப்பல் விபத்துகளில் இருந்து தப்பிய பிறகு ஆஸ்கார் இந்த புனைப்பெயரை பெற்றது.
சாம் முதலில் நாஜி ஜேர்மனியின் க்ரீக்ஸ்மரைனின் போர்க்கப்பலான பிஸ்மார்க் கப்பலில் சென்றது. பிஸ்மார்க் 27 மே 1941 அன்று பிரிட்டிஷ் போர்க்கப்பல்களால் மூழ்கடிக்கப்பட்டது. பிஸ்மார்க்கின் 2,200 வீரர்களில் 118 பேர் மட்டுமே உயிர் பிழைத்தனர். அவர்களுடன் இந்த பூனையும் உயிர்பிழைத்தது.
கப்பல் விபத்துக்குள்ளான சில மணிநேரங்களுக்குப் பிறகு, இந்த பூனை பிரிட்டிஷ் போர்க்கப்பலான எச்எம்எஸ் கோசாக் மூலம் கடலில் இடிபாடுகளில் ஒட்டிக்கொண்டு மீட்கப்பட்டது.
இந்தக் கப்பலில் இருந்த மாலுமிகளால் சாமுக்கு 'ஆஸ்கார்' என்ற பெயர் சூட்டப்பட்டது. அதற்கு முன் சாமின் பெயர் என்னவென்று யாருக்கும் தெரியாது. எப்படியிருந்தாலும், நாஜி கப்பலுக்கு விரோதமாக இருந்த ஆங்கிலேயர்களுடன் சாம் சிறிது காலம் வசதியாக வாழ்ந்தார்.
அதையடுத்து, ஐந்து மாதங்களுக்குப் பிறகு, கோசாக் மேற்கு ஜிப்ரால்டரில் ஒரு டார்பிடோவால் மூழ்கடிக்கப்பட்டது, கப்பலில் இருந்த 139 பேர் கொல்லப்பட்டனர்.
இம்முறை பழுதடைந்த கப்பலில் இருந்து ஒரு பலகை சாமுக்கு உதவியது. பலகையில் ஏறிக்கொண்டு சாம் ஜிப்ரால்டரில் கரை ஒதுங்கியது. இங்கிருந்து சாம் பிரிட்டனின் HMS ஆர்க் ராயல் மாலுமிகளால் தத்தெடுக்கப்பட்டது. அப்போது அந்த பூனைக்கு 'அன்சிங்கபிள் சாம்' என்று பெயர் வைத்தார்கள்.
மற்றொரு சுவாரஸ்யமான விஷயம் என்னவென்றால், ஆர்க் ராயல் என்ற விமானம் தாங்கி கப்பலும் அங்கு இருந்தது. சாமின் முந்தைய இரண்டு கப்பல்களை விட ஆர்க் ராயல் மிகவும் வலிமையானது.
ஆனால் ஆர்க் ராயல் நவம்பர் மாதம் மால்டாவிலிருந்து திரும்பி வரும் வழியில் ஒரு ஜேர்மன் நீர்மூழ்கிக் கப்பலால் மூழ்கடிக்கப்பட்டது. இந்த முறையும் சாம் பலகையில் ஏறி கரை ஒதுங்கியது.
ஜிப்ரால்டரில் உள்ள கவர்னர் ஜெனரல் இல்லத்தில் வாழ்ந்த சாம், பின்னர் விமானம் மூலம் இங்கிலாந்துக்கு கொண்டு செல்லப்பட்டது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
Meet Unsinkable Sam, Cat Survived Three Ships Sinking, black and white cat, Oscar Unsinkable Sam, Unsinkable Sam Cat
யாழ் நீர்வேலி தெற்கு, Jaffna, உருத்திரபுரம், பேர்லின், Germany
12 Feb, 2022
நீராவியடி, பருத்தித்துறை, Abu Dhabi, United Arab Emirates, Markham, Canada
10 Feb, 2025
Jaffna, கம்பஹா வத்தளை, Dubai, United Arab Emirates, Toronto, Canada
04 Feb, 2025
யாழ்ப்பாணம், புங்குடுதீவு 8ம் வட்டாரம், Le Blanc-Mesnil, France
06 Feb, 2025
மானிப்பாய், கொங்க் கொங்க், Hong Kong, அவுஸ்திரேலியா, Australia, பிரித்தானியா, United Kingdom
31 Jan, 2025
உரும்பிராய், யாழ் சுன்னாகம் மேற்கு, Jaffna, வெள்ளவத்தை, Wales, United Kingdom, Cardiff, England, United Kingdom
01 Feb, 2025
