லங்காசிறி FM
முதல்வர் விஜய்யை சந்திக்க உத்தரபிரதேசத்தில் இருந்து நடந்தே வரும் இளைஞர்
முதல்வர் விஜய்யின் ஆளுகையால் ஈர்க்கப்பட்ட இளைஞர் அவரை சந்திக்க உத்தரபிரதேசத்தில் இருந்து தமிழ்நாட்டிற்கு நடைபயணமாக வருகிறார்.
விஜய்யை சந்திக்க உத்தரபிரதேசத்தில் இருந்து நடந்தே வரும் இளைஞர்
நடிகராக இருந்த போதே, தமிழ்நாட்டை தாண்டி இந்திய அளவில் பிரபலமடைந்த விஜய், தற்போது தமிழ்நாடு முதல்வர் ஆகிவிட்ட நிலையில், வட இந்தியாவை சேர்ந்த சமூகவலைதள Influncerகள் பலரும் விஜய் குறித்த பல்வேறு செய்திகளை பகிர்ந்து வருகின்றனர்.
இந்நிலையில், முதலமைச்சர் விஜய்யின் ஆளுகையால் ஈர்க்கப்பட்ட உத்தரபிரதேசத்தை சேர்ந்த இளைஞர் முதல்வர் விஜய்யை சந்திக்க அங்கிருந்து நடைபயணமாக தமிழ்நாட்டிற்கு வந்து கொண்டுள்ளார்.
உத்தரப் பிரதேசத்தின் அலிகரைச் சேர்ந்த 24 வயது இளைஞரான அமன் கடந்த ஜூலை 3 ஆம் தேதி அலிகரில் இருந்து தமிழ்நாட்டிற்கு நடைபயணம் புறப்பட்டுள்ளார்.
கையில் முதல்வர் விஜய்யின் புகைப்படம் மற்றும் தேசிய கொடியை ஏந்தியபடி 2 வார நடைப்பயணத்திற்கு பின்னர் ஜூலை 16 ஆம் திகதி தெலங்கானாவின் ஆதில்பாத் மாவட்டத்தை வந்து அடைந்தார்.
ஹைதராபாத் வழியாக தனது பயணத்தைத் தொடர திட்டமிட்டுள்ள அவர், அடுத்த 15 நாட்களுக்குள் தமிழ்நாடு வந்துவிடலாம் என எதிர்பார்க்கிறார்.
இந்த பயணத்தின் இடையில் ஆதில்பாத்தில் உள்ளூர் ஊடகங்களிடம் பேசிய அவர், "மாநிலத்தின் வளர்ச்சி முன்னேற்றம் மற்றும் மக்கள் சார்ந்த ஆட்சிமுறைக்காக முதலமைச்சர் விஜய்க்கு தனிப்பட்ட முறையில் வாழ்த்து தெரிவிக்க விரும்புகிறேன்.
இதேபோன்ற வளர்ச்சி சார்ந்த அணுகுமுறையைக் கொண்ட தலைவர்கள் மேலும் உருவானால் இந்தியா பயனடையும் என்று நம்புகிறேன். தேசிய அரசியலில் விஜய் ஒரு பெரிய பங்கை வகிக்க ஊக்குவிக்க விரும்புகிறேன்" என தெரிவித்துள்ளார்.
நடைபயணமாக சென்று அரசியல் தலைவர்களை சந்திப்பது அமனுக்கு இது முதல்முறை இல்லை.
இதே போல், 2025 ஆம் ஆண்டில் AIMIM தலைவரும் ஹைதராபாத் நாடாளுமன்ற உறுப்பினருமான அசாதுதீன் ஒவைசியைச் சந்திப்பதற்காக, அவர் அலிகரிலிருந்து ஹைதராபாத்திற்கு நடை பயணம் செய்தார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
மானிப்பாய், London Ontario, Canada
07 Aug, 2025
யாழ் நெடுந்தீவு 12ம் வட்டாரம், Jaffna, நயினாதீவு, London, United Kingdom
02 Aug, 2026
