PhonePe, Gpay பயனர்கள் தினமும் ரூ.10 லட்சம் வரை பணம் செலுத்த முடியும்.., இவர்களுக்கு மட்டும்

UPI பயன்படுத்தும் PhonePe, Gpay பயனர்கள் இன்று முதல் தினமும் ரூ.10 லட்சம் வரை பணம் செலுத்த முடியும்.

UPI Payment Limit

இந்திய தேசிய பணம் செலுத்தும் கழகம் (NPCI) அதிகரித்துள்ள UPI பரிவர்த்தனைகளின் வரம்பு செப்டம்பர் 15, 2025 முதல் அமுலுக்கு வரும்.

காப்பீட்டு பிரீமியம், கடன் EMI, பங்குச் சந்தை முதலீடு, அரசாங்க கட்டணங்கள் அல்லது பெரிய பயண முன்பதிவுகள் போன்ற பெரிய தினசரி கொடுப்பனவுகளைச் செய்ய வேண்டியவர்களுக்கு இது பயனளிக்கும்.

444 நாட்கள் Special FD.., SBI மற்றும் கனரா வங்கியில் முதலீடு செய்தால் எவ்வளவு தொகை கிடைக்கும்?

இதன் கீழ் சரிபார்க்கப்பட்ட வணிகர்கள் ஒரு நாளைக்கு ரூ.10 லட்சம் வரை ஆன்லைனில் பணம் செலுத்தலாம். இருப்பினும், இரண்டு நபர்களுக்கு இடையேயான பரிவர்த்தனைகளின் வரம்பு முன்பு போலவே ஒரு நாளைக்கு ரூ.1 லட்சமாகவே இருக்கும். இதில் எந்த மாற்றமும் இல்லை.

மூலதனச் சந்தை மற்றும் காப்பீட்டு பேமெண்ட்ஸ்

முன்னதாக காப்பீட்டு பிரீமியம் மற்றும் மூலதன சந்தை முதலீட்டிற்கான வரம்பு ரூ.2 லட்சமாக இருந்தது, இப்போது அது ரூ.5 லட்சமாக அதிகரிக்கப்பட்டுள்ளது. இதன் மூலம், 24 மணி நேரத்தில் அதிகபட்சமாக ரூ.10 லட்சம் வரை பரிவர்த்தனை செய்ய முடியும்.

கிரெடிட் கார்டு பில் செலுத்துவதற்கான UPI இன் ஒரு முறை பரிவர்த்தனை வரம்பு இப்போது ரூ.5 லட்சமாக இருக்கும். மேலும், ஒரு நாளில் அதிகபட்சமாக ரூ.6 லட்சம் வரை செலுத்தலாம்.

பயணம் மற்றும் அரசு பேமெண்ட்ஸ்

பயணத் துறையில், முன்பு இந்த வரம்பு ரூ.1 லட்சமாக இருந்த நிலையில், இப்போது ரூ.5 லட்சம் வரை ஒரே நேரத்தில் செலுத்த முடியும். இதேபோல், அரசு மின் சந்தையில் வரி மற்றும் EMD செலுத்துதல்களை ரூ.5 லட்சம் வரை செலுத்தலாம்.

கடன், EMI செலுத்தும் தினசரி வரம்பு ரூ.10 லட்சம் எனவும், நகை வாங்குவதற்கான தினசரி வரம்பு ரூ.6 லட்சம் எனவும் நிர்ணயிக்கப்பட்டுள்ளது.

UPI மூலம் ஆரம்ப பொது வழங்கல் ஏலம் எடுக்க விரும்பினால் பரிவர்த்தனைக்கு ரூ.5 லட்சமாக இருக்கும். புதிய வரம்பு ரூ.10 லட்சம் ஆனது இதற்கு பொருந்தாது.

இந்த மாற்றம் நபரிடமிருந்து வணிகருக்கு (P2M) பணம் செலுத்துவதற்கு மட்டுமே பொருந்தும், மேலும் இது டிஜிட்டல் பரிவர்த்தனைகளை எளிதாக்கும்.