லங்காசிறி FM
கனேடிய நிரந்தர குடியிருப்பு அனுமதி பெற விண்ணப்பித்துவிட்டு காத்திருப்பவர்களுக்கு ஒரு அவசர செய்தி...
கனேடிய புலம்பெயர்தல் அமைச்சகத்தின் தவறால், நிரந்தர குடியிருப்பு அனுமதி பெற விண்ணப்பித்துள்ளவர்களின் விண்ணப்பங்கள் நீண்ட காலமாக பரிசீலிக்கப்படாமல் கிடக்கும் ஒரு துரதிர்ஷ்டவசமான விடயம் நடந்துள்ளது தற்போது தெரியவந்துள்ளது.
செயல்படாத புலம்பெயர்தல் அலுவலகங்களுக்கு அனுப்பப்பட்டுள்ள விண்ணப்பங்கள்
கனடாவின் புலம்பெயர்தல் அமைச்சகம், பல்லாயிரக்கணக்கான நிரந்தர குடியிருப்பு அனுமதி விண்ணப்பங்களை, செயல்படாத புலம்பெயர்தல் அலுவலகர்களுக்கு ஒதுக்கியுள்ளதாக தெரியவந்துள்ளது.
இதுவரை அவ்வகையில் 59,456 விண்ணப்பங்கள், செயல்படாத 779 முன்னாள் அலுவலர்களுக்கு ஒதுக்கப்பட்டுள்ளன என கனேடிய புலம்பெயர்தல், அகதிகள் மற்றும் குடியுரிமை அமைப்பின் தரவுகளிலிருந்து தெரியவந்துள்ள விடயம் அதிர்ச்சியை ஏற்படுத்தியுள்ளது.
இந்த அலுவலர்களின் பெயர்கள் விண்ணப்பித்த யாருக்கும் தெரியாது. அவர்களுடைய அடையாள எண்கள் மட்டுமே தகவல் தொடர்புக்கு பயன்படுத்தப்படும்.
உதாரணமாக, AB12345 என்ற எண்ணைக் கூறலாம். Andrea Bote என்ற பெண், 2021ஆம் ஆண்டு, மே மாதம் நிரந்தரக் குடியிருப்பு அனுமதிக்கு விண்ணப்பித்தார்.
18 மாதங்களாக அவரது புலம்பெயர்தல் அலுவலரிடமிருந்து அவருக்கு எந்த தகவலும் கிடைக்கவில்லை. அவருடைய விண்ணப்பம் RA9519 என்ற அடையாள எண் கொண்ட புலம்பெயர்தல் அலுவருக்கு ஒதுக்கப்பட்டுள்ளது.
அவருடன் விண்ணப்பித்தவர்களுக்கெல்லாம் நிரந்தரக் குடியிருப்பு அனுமதி கிடைத்துவிட, என்ன நடக்கிறது என்று புரியாமல், சொந்த நாட்டுக்கு விடுமுறைக்குக் கூட செல்லாமல் காத்திருக்கிறார் Andrea. Joey Lao, 2021ஆம் ஆண்டு ஜூலை மாதம் நிரந்தரக் குடியிருப்பு அனுமதிக்கு விண்ணப்பித்தார்.
அவருக்கும் அவரது புலம்பெயர்தல் அலுவலரிடமிருந்து எந்த தகவலும் கிடைக்கவில்லை. அவருடைய விண்ணப்பம் SM10353 என்ற அடையாள எண் கொண்ட புலம்பெயர்தல் அலுவருக்கு ஒதுக்கப்பட்டுள்ளது.
தன்னுடன் விண்ணப்பித்த தனது உறவினருக்கு குடியிருப்பு அனுமதி கிடைத்துவிட, என்ன நடக்கிறது என்று புரியாமல் காத்திருக்கிறார் அவர்.
உங்கள் விண்ணப்பங்களின் நிலையை உறுதி செய்துகொள்ளுங்கள்
ஆகவே, நிரந்தரக் குடியிருப்பு அனுமதிக்கு விண்ணப்பித்து காத்திருப்போர், உங்கள் விண்ணப்பம் இப்படி செயல்படாத அலுவலர் யாருக்காவது ஒதுக்கப்பட்டுள்ளதா என்பதை உறுதி செய்துகொள்ளுங்கள்.
மேலதிக தகவல்களுக்கு...
https://www.cbc.ca/news/canada/ottawa/ircc-immigration-officer-container-placeholder-code-inactive-list-1.6669571
அனலைதீவு 2ம் வட்டாரம், யாழ்ப்பாணம், Kamen, Germany, Stouffville, Canada
24 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கல்வியங்காடு, Wembley, United Kingdom, King's Lynn, United Kingdom
22 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
