லங்காசிறி FM
F-1 Visa ரத்து... நூற்றுக்கணக்கான மாணவர்களை நாட்டைவிட்டு வெளியேற ஆணையிட்ட ட்ரம்ப் நிர்வாகம்
சர்வதேச மாணவர்களுக்கான F-1 visa ரத்து செய்யப்பட்டுள்ளதாக குறிப்பிட்டு, அமெரிக்காவில் படிக்கும் நூற்றுக்கணக்கான சர்வதேச மாணவர்களை வெளியேறுமாறு குறிப்பிட்டு மின்னஞ்சல் அனுப்பப்பட்டுள்ளதாக தகவல் வெளியாகியுள்ளது.
சமூக ஊடகங்களில்
அமெரிக்க வெளிவிவகாரத்துறையில் இருந்தே மாணவர்களுக்கு மின்னஞ்சல் அனுப்பப்பட்டுள்ளது. அதில் தாமாகவே நாட்டைவிட்டு வெளியேற வேண்டும் என்றும் கோரப்பட்டுள்ளது.
கல்லூரி வளாகங்களில் அவர்களின் நடவடிக்கைகளை குறிப்பிட்டே இந்த நடவடிக்கை முன்னெடுக்கப்பட்டுள்ளது. கல்லூரி வளாகங்களில் ஆர்ப்பாட்டங்களில் ஈடுபட்ட மாணவர்கள் மட்டுமின்றி, நடந்த சம்பவத்தை சமூக ஊடகங்களில் பகிர்ந்த மாணவர்கள், அந்த சமூக ஊடகப் பதிவை விருப்பம் தெரிவிப்பதாக அடையாளப்படுத்திய மாணவர்கள் என நூற்றுக்கணக்கானவர்கள் ட்ரம்ப் நிர்வாகத்தால் இலக்கு வைக்கப்பட்டுள்ளனர்.
இந்த விவகாரத்தில், சமூக ஊடக பதிவுகளை பகிர்ந்த, ஆர்ப்பாட்டங்களில் கலந்துகொள்ளாத இந்திய மாணவர்களும் சிக்கியுள்ளனர். வெளியான தரவுகளின் அடிப்படையில் 2024 மற்றும் 2024 கல்வியாண்டில் 1.1 மில்லியன் சர்வதேச மாணவர்கள் அமெரிக்காவில் கல்வி பயில்கின்றனர்.
வெளியேற வேண்டும்
இதில் 3.31 லட்சம் மாணவர்கள் இந்தியாவை சேர்ந்தவர்கள். தேச விரோத நடவடிக்கைகளில் ஈடுபட்டுள்ளதாக குறிப்பிட்டு பல சர்வதேச மாணவர்களின் விசாக்கள் ரத்து செய்யப்படுவது குறித்து அமெரிக்க வெளிவிவகார செயலாளர் மார்கோ ரூபியோ வெளியிட்டுள்ள அறிவிப்பை அடுத்தே, தற்போது மாணவர்களுக்கு மின்னஞ்சல் அனுப்பப்பட்டுள்ளது.
300 மாணவர்களுக்கு மேல் முதற்கட்டத்தில் அடையாளம் காணப்பட்டுள்ளதாகவும், ஒவ்வொரு நாளும் நடவடிக்கைகள் தொடரும் என்றும் மார்கோ ரூபியோ காட்டமாக பதிலளித்துள்ளார்.
ஒரேயடியாக 300 விசாக்கள் ரத்து செய்யப்பட்டுள்ளதாகவும், இதில் மாணவர்கள் மற்றும் சுற்றுலாவுக்கு வந்தவர்களும் உட்படுவார்கள் என மார்கோ ரூபியோ குறிப்பிட்டுள்ளார்.
தற்போது மின்னஞ்சல் கிடைக்கப்பெற்ற மாணவர்கள் அனைவரும் தாமாகவே நாட்டைவிட்டு வெளியேற வேண்டும். விதிகளை மீறும் மாணவர்கள் அடையாளம் காணப்பட்டு, அவர்கள் குற்றவாளிகள் போல நாடுகடத்தும் நிலைக்கு தள்ளப்படுவார்கள் என்றும் ட்ரம்ப் நிர்வாகம் எச்சரிக்கை விடுத்துள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புங்குடுதீவு 4ம் வட்டாரம், ஊர்காவற்துறை, பரிஸ், France
04 Mar, 2025
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
கோண்டாவில் கிழக்கு, கொழும்பு, New Jersey, United States, Winnipeg, Canada
28 Mar, 2025
முள்ளியவளை, சுவிஸ், Switzerland, Scarborough, Canada, Toronto, Canada
01 Apr, 2020
Myliddy, Liverpool, United Kingdom, Gerrards Cross, United Kingdom
25 Mar, 2025