அமெரிக்காவில் கடத்தி கொல்லப்பட்ட இந்திய குடும்பம்: பரபரப்பான சிசிடிவி ஆதாரக் காட்சியுடன் வெளியாகியுள்ள தகவல்கள்

திங்கட்கிழமை கடத்தப்பட்ட குடும்பம் புதன்கிழமை மாலை ஒரு பழத்தோட்டத்தில் இறந்த நிலையில் கண்டெடுக்கப்பட்டது.

அவர்கள் வீட்டிலிருந்து கடத்தப்பட்டபோது பதிவான சிசிடிவி காட்சிகளை புலனாய்வாளர்கள் வெளியிட்டுள்ளனர்.

கலிபோர்னியாவில் ஒரு குழந்தை உட்பட இந்திய வம்சாவளியைச் சேர்ந்த நான்கு உறுப்பினர்கள் துப்பாக்கி முனையில் கடத்தப்பட்டு ஒரு டிரக்கிற்கு அழைத்துச் செல்லப்பட்ட நிலையில், அவர்கள் இரண்டு நாட்கள் கழித்து பழத்தோட்டத்தில் இறந்த நிலையில் கண்டெடுக்கப்பட்டனர்.

புதன்கிழமை மாலை பழத்தோட்டத்திற்கு அருகில் இருந்த பண்ணை தொழிலாளி ஒருவர் சடலங்களை கண்டு உடனடியாக பொலிசாருக்கு தகவல் கொடுத்துள்ளார்.

எட்டு மாத குழந்தை ஆரோஹி தேரி, அவரது 27 வயது தாய் ஜஸ்லீன் கவுர், அவரது தந்தை ஜஸ்தீப் சிங், 36, மற்றும் அவரது மாமா அமந்தீப் சிங், 39, ஆகியோரின் உடல்கள் பழத்தோட்டத்தில் கண்டெடுக்கப்பட்டன. குறிப்பாக அனைத்து உடல்களும் நெருக்கமாக கண்டெடுக்கப்பட்டது.

அவர்கள் திங்கள்கிழமை மெர்சிட் கவுண்டியில் உள்ள கட்டிடத்தில் இருந்து கடத்தப்பட்டனர்.

அவர்களைக் கண்டுபிடிக்க பொதுமக்களின் உதவியை நாடிய மெர்சிட் கவுண்டி ஷெரிப் அலுவலகம், குடும்பம் கடத்தப்பட்ட தருணத்தின் சிலிர்க்க வைக்கும் வீடியோவை வெளியிட்டது.

அவர்கள் ஆக்டொபர் 3-ஆம் திகதி திங்கட்கிழமை காலை கடத்தப்படுவதற்கு சில மணிநேரங்களுக்கு முன்பு பதிவான சிசிடிவி வீடியோ காட்சிகள் புலனாய்வாளர்களால் வெளியிடப்பட்டது.

அமெரிக்க ஊடகங்களால் ஒளிபரப்பப்பட்ட இந்த வீடியோ, ஜஸ்தீப் மற்றும் அமந்தீப் சிங் கைகளை ஒன்றாக கட்டிக்கொண்டு வெளியே வருவதைக் காட்டுகிறது. சில நிமிடங்களுக்குப் பிறகு, கடத்தல்காரன் (அவனிடம் துப்பாக்கி உள்ளது) ஜஸ்லீனையும் அவரது 8 மாத குழந்தை அரூஹியையும் கட்டிடத்திலிருந்து ஒரு டிரக்கில் ஏற்றிச் செல்கிறான்.

கைவிடப்பட்ட கார் தீப்பிடித்து எரிவதைக் கண்டு பொலிஸாருக்குத் தெரிவிக்கப்பட்டபோது கடத்தல் சம்பவம் அம்பலமானது. அந்த கார் அமந்தீப் சிங்குக்கு சொந்தமானது.

அவரது வீட்டில் யாரும் இல்லாததைக் கண்ட பொலிஸார், உறவினர் ஒருவரைத் தொடர்பு கொண்டும், அவர்களால் குடும்பத்தினரை அணுக முடியவில்லை. அப்போது குடும்பத்தினர் காணாமல் போனதாக புகார் கூறப்பட்டது.

சிசிடிவி காட்சிகள் மூலம் அவர்களை கடத்தப்பட்டது தெரியவந்ததையடுத்து, ​​​​விசாரணை விரிவடைந்தது, மேலும் FBI மற்றும் பிற ஏஜென்சிகள் இந்த விசாரணையில் இணைந்தன.

சந்தேக நபர், ஜீசஸ் மானுவல் சல்காடோ, செவ்வாய்கிழமை கைது செய்யப்பட்டு, தன்னைத்தானே கொல்ல முயன்றதை அடுத்து, மருத்துவமனையில் அனுமதிக்கப்பட்டுள்ளார்.

கடத்தலில் ஈடுபட்டதாக அவர் ஒப்புக்கொண்டதை அடுத்து, சல்காடோவின் குடும்பத்தினர் அவரிடம் புகார் அளித்ததாக ஷெரிப் அலுவலகம் தெரிவித்துள்ளது.

சீக்கிய வம்சத்தை சேர்ந்த குடும்பம் இந்தியாவின் பஞ்சாப் மாநிலத்தில் ஹோஷியார்பூரைச் சேர்ந்தது, அங்கு உறவினர்கள் உதவிக்காக உருக்கமான வேண்டுகோள் விடுத்தனர்.