சிறந்த டேட்டிங்கிற்காக 5 அங்குலம் உயரத்தை அதிகப்படுத்த 5 கோடி செலவு செய்த நபர்

மனிதர்கள் காதலுக்காக பல சாகங்களை செய்ய துணியும் போது, இந்த மனிதர் தன்னை 5 அங்குலம் உயர்த்திக் கொள்ள, இலங்கை ரூபாய் மதிப்பில் 5 கோடிக்கும் மேல் (170000 டொலர்கள்) செலவழித்துள்ளார்.

வலி நிறைந்த அறுவை சிகிச்சை

அமெரிக்காவைச் சேர்ந்த மோசஸ் கிப்சன்(Moses Gibson) இவருக்கு 41 வயது ஆகிறது. இவர் தனது உயரத்தை ஐந்து அங்குலம் உயர்த்துவதற்காக, வலிமிகுந்த அறுவை சிகிச்சைகளை செய்து கொண்டுள்ளார்.

5 அடி 5 அங்குலம் உயரமுள்ள மோசஸ், தான் குள்ளமாக இருப்பதாக எப்போதும் தாழ்வு மனப்பான்மையுடன் இருந்துள்ளார். தன் உயரத்தை அதிகப்படுத்த மருந்துகள் முதல் ஆன்மீக பயிற்சி வரை அனைத்தையும் முயற்சி செய்துள்ளார்.

@Kennedy News and Media

இது எதிலும் பலன் கிடைக்காததால், கடைசியாக அவர் உயரத்தை அதிகரிக்கும் அறுவை சிகிச்சை செய்ய திட்டமிட்டுள்ளார். ஆனால் இது வலி மிகுந்த கடினமான அறுவை சிகிச்சை என மருத்துவர்கள் கூறியிருக்கிறார்கள்.

மேலும் கால் எலும்புகளை உடைத்து அறுவை சிகிச்சை செய்ய வேண்டும் என்றும், அதற்கு நிறைய பணம் செலவாகுமென்றும் கூறியிருக்கிறார்கள்.

இரண்டு முறை அறுவை சிகிச்சை

கடந்த 2016 ஆம் ஆண்டு தனது முதல் அறுவை சிகிச்சை செய்த அவர் தனது உயரத்தை 3 அங்குலம் அதிகப்படுத்தியுள்ளார்.

அதன் பின்பு ஏழு ஆண்டுகள் கழித்து நடைபெற்ற அறுவை சிகிச்சையில் 2 அங்குலம் அதிகப்படுத்தியுள்ளார். இதன் மூலம் அவரது இரண்டு அறுவை சிகிச்சைக்கும் சேர்ந்து மொத்தம் இலங்கை ரூபாய் மதிப்பு 5 கோடி($170000 டொலர்கள்) செலவாகியுள்ளதாக தெரிய வந்துள்ளது.

@Kennedy News and Media

மேலும் தற்போது 5 அடி 10 அங்குலம் உயர்ந்துள்ள மோசஸ், தற்போது நம்பிக்கையாக இருப்பதாக கூறியுள்ளார். இது வலி மிகுந்த அறுவை சிகிச்சை தான் என்றாலும் கூட, உயரம் அதிகரித்தால் தன்னால் பெண்களிடம் தைரியமாக காதலை சொல்ல முடியுமென கூறியுள்ளார்.

தனது பள்ளி காலம் முதலே குள்ளமாக இருப்பதால் அவரை பலரும் கேலி செய்திருக்கிறார்கள். என கூறிய அவர்

“நான் மிகவும் மனவலிமை உடையவன் தான் என்றால் உயரத்தை வைத்து கிண்டல் செய்யும் போது மிகவும் மன உளைச்சலுக்கு ஆளானேன். டேட்டிங்கிற்கு பெண்களை அணுகும் போது அவர்கள் என் உயரத்தை வைத்து நிராகரித்தார்கள்” என கூறியுள்ளார்.

@Kennedy News and Media

மென்பொறியியல் துறையில் பணிபுரியும் மோசஸ் தனது அறுவை சிகிச்சை செலவுக்காக இரவு நேரங்களில் Uber கால் டாக்சி ஓட்டியுள்ளார்.