லங்காசிறி FM
இந்தியாவின் கோவாக்ஸின் தடுப்பூசிக்கு அமெரிக்காவில் அங்கீகாரம் மறுப்பு
இந்தியாவில் தயாரிக்கப்படும் கோவாக்ஸின் கொரோனா தடுப்பூசியின் பயன்பாட்டுக்கு அங்கீகாரம் அளிக்க அமெரிக்காவின் உணவு மற்றும் மருந்து கட்டுப்பாடு நிறுவனம் FDA மறுப்பு தெரிவித்துள்ளது.
இந்தியாவில் உள்ள பாரத் பயோடெக் நிறுவனம் கோவாக்ஸின் என்ற கோவிட்-19 தடுப்பூசியை தயாரித்து வருகிறது.
இந்த மருந்தை அமெரிக்காவில் அறிமுகப்படுத்த திட்டமிட்ட பாரத் பயோடெக் நிறுவனம், அமெரிக்காவில் உள்ள Ocugen மருந்து நிறுவனத்துடன் கூட்டு ஒப்பந்தம் செய்தது.
பின்னர் அந்நிறுவனத்தின் மூலம் அமெரிக்காவில் கோவாக்ஸின் தடுப்பூசியை அவசரகால மருந்தாக பயன்படுத்த அங்கீகாரம் வழங்கக் கோரி FDA-விடம் உரிமம் கேட்டுள்ளது.
ஆனால், அமெரிக்காவின் Food and Drugs Administration கவாக்ஸின் மருந்துக்கு Emergency Use Authorisation (EUA) எனும் அவசரகால அங்கீகாரம் வழங்க மறுப்பு தெரிவித்துள்ளது.
அங்கீகாரம் வழங்கப்படுவதற்கு EUA-க்கு விண்ணப்பிபதற்கு பதிலாக, Ocugen நிறுவனம் முதலில் Biologics Licence Application (BLA) எனும் விண்ணப்பத்தையும், கோவாக்ஸின் மருந்து குறித்த கூடுதல் தகவல்கள் மற்றும் தரவுகளை சமர்ப்பிக்க வேண்டும் என FDA அறிவுறுத்தியுள்ளது.
இந்நிலையில், BLA விண்ணப்பம் மற்றும் தகவல்களை சமர்பிப்பதற்கான வேலைகளில் Ocugen நிறுவனம் ஈடுபட தொடங்கியுள்ளது. இதனால், கோவாக்ஸின் தடுப்பூசி அமெரிக்காவில் அறிமுகப்படுத்துவதில் சற்று தாமதம் ஏற்பட்டுள்ளது.
இதற்கிடையில், கோவாக்ஸின் தடுப்பூசியை கனடாவிலும் அறிமுகப்படுத்த Ocugen மற்றும் Bharat Biotech நிறுவனங்கள் முயற்சித்து வருகின்றன.
வேலணை மேற்கு, வரக்காப்பொல, கிருலப்பனை, பரிஸ், France, Scarborough, Canada
26 Jun, 2024
வல்வெட்டித்துறை, கரவெட்டி, உடுப்பிட்டி, Trichy, British Indian Ocean Terr.
06 Aug, 2020
