லங்காசிறி FM
சுட்டுத்தள்ளப்பட்ட டஜன் டஜனான துப்பாக்கி குண்டுகள்: அமெரிக்க இளைஞர்கள் மத்தியில் வெடித்த மோதல்
அமெரிக்காவின் சியாட்டில் உள்ள வணிக வளாகத்திற்கு வெளியே நடத்தப்பட்ட துப்பாக்கி சூடு சம்பவத்தில் 5 இளைஞர்கள் படுகாயமடைந்துள்ளனர்.
துப்பாக்கி சூடு
அமெரிக்காவில் சியாட்டிலின் ரெய்னியர் கடற்கரை பகுதிக்கு அருகில் அமைந்துள்ள வணிக வளாகத்தின் வாகன நிறுத்துமிடத்தில் வெள்ளிக்கிழமை இரவு 9 மணியளவில் இளைஞர்களுக்கு மத்தியில் பயங்கர துப்பாக்கி சூடு சம்பவம் அரங்கேறியது.
இதில் டஜன் டஜனான துப்பாக்கி குண்டுகள் சுட்டு தள்ளப்பட்டு இருப்பதாக பொலிஸார் தெரிவித்துள்ளனர்.
உணவுகள், ஆடைகள் மற்றும் பொம்மைகள் வழங்கும் சமூக நலன் கூட்டத்தில் கலந்து கொண்ட 20 வயதுடைய இளைஞர்கள் இடையே இந்த துப்பாக்கி சூடு நடத்தப்பட்டு இருப்பதாகவும் பொலிஸார் தெரிவித்துள்ளனர்.
இதற்கிடையில் துப்பாக்கி சூடு நடைபெற்ற 9200 பிளாக் ரெய்னியர் அவென்யூ-க்கு வந்த பொலிஸார், சம்பவத்தில் தொடர்புடைய இரண்டு சந்தேக நபர்களை தேடி வருகின்றனர்.
5 பேர் காயம்
இதில் ஒருவர் பலத்த காயங்களுடன் ஹார்பர்வியூ மருத்துவ மையத்தில் உயிருக்கு ஆபத்தான நிலையில் சிகிச்சை பெற்று வருவதாகவும், மேலும் இரண்டு ஆண்களும் மற்றும் இரண்டு பெண்களும் உயிருக்கு ஆபத்து இல்லாத காயங்களுடன் சிகிச்சை பெற்று வருவதாக மருத்துவமனை செய்தி தொடர்பாளர் தகவல் தெரிவித்துள்ளார்.
AP
இதனிடையே இந்த சம்பவம் குறிவைத்த நபர்கள் மீது நடத்தப்பட்டதா அல்லது தற்செயலாக அவர்கள் பாதிக்கப்பட்டார்களா என்பது குறித்தும் பொலிஸார் விசாரணை நடத்தி வருகின்றனர்.
ஆனால் இளைஞர் குழுக்களுக்கு மத்தியில் நடைபெற்ற இந்த மோதலுக்கு என்ன காரணம் என்பது இன்னும் தெளிவாக தெரிய வரவில்லை என்பது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
கொழும்பு, மானிப்பாய், Dubai, United Arab Emirates, கனடா, Canada
14 Jan, 2021
சுழிபுரம், கொழும்பு, Reutlingen, Germany, Ravensburg, Germany, London, United Kingdom, சென்னை, India
16 Dec, 2024
மிருசுவில், தமிழ்நாடு, India, பரிஸ், France, Neuss, Germany
06 Jan, 2023
