கடவுள் பார்த்துக் கொண்டிருக்கிறார்! வாடகை தாய் விவகாரம் குறித்து நடிகை வனிதா

கருத்து இரட்டை குழந்தைகளுக்கு தாயான நயன்தாரா மற்றும் விக்னேஷ் சிவனுக்கு நடிகை வனிதா வாழ்த்து தெரிவித்துள்ளார்

நடிகை கஸ்தூரியை கண்டித்து ட்வீட் செய்துள்ளதாக நடிகை வனிதாவை நோக்கி ரசிகர்கள் கேள்வி எழுப்பியுள்ளனர்

அழகான பெற்றோராக மகிழ்ச்சியான பயணத்தை தொடர விக்னேஷ் சிவன், நயன்தாராவை வாழ்த்துவதாக வனிதா ட்வீட் செய்துள்ளார்.

நட்சத்திர தம்பதி நயன்தாரா, விக்னேஷ் சிவன் இரட்டை குழந்தைகளுக்கு பெற்றோராகியுள்ளனர். ஆனால் வாடகைத் தாய் மூலம் சட்ட விரோதமாக அவர்கள் குழந்தை பெற்றதாக குற்றச்சாட்டு எழுந்த நிலையில், இந்த விடயம் சர்ச்சையை கிளப்பியுள்ளது.

இதுதொடர்பாக நயன்தாரா-விக்னேஷ் சிவன் தரப்பில் விளக்கம் அளிக்கப்படவில்லை. இந்த நிலையில் நடிகை கஸ்தூரி வெளியிட்ட பதிவு புதிய சர்ச்சையை ஏற்படுத்தியது.

மருத்துவ ரீதியில் தவிர்க்க முடியாத காரணங்களைத் தவிர இந்தியாவில் வாடகைத்தாய் மூலம் குழந்தை பெற்றுக் கொள்ளும் முறை தடை செய்யப்பட்டுள்ளது என அவர் கூறியிருந்தார். இதனால் நயன்தாரா தடையை மீறி குழந்தை பெற்றுக் கொண்டாரா என்ற கேள்வி எழுந்தது.

இந்த சர்ச்சை ஒருபுறம் இருக்க, நடிகை வனிதா பதிவிட்டுள்ள ட்வீட் கஸ்தூரிக்கு பதிலடியா என ரசிகர் கேட்டு வருகின்றனர். வனிதா தனது பதிவில், 'ஒரு அன்பான பெற்றோருக்கு இரண்டு அப்பாவி குழந்தைகள் பிறந்துள்ளதை விட அழகானது என்ன இருக்க முடியும், அவர்களால் எல்லாவற்றையும் பெறத் தகுதியான வாழ்க்கையை வழங்கவும், கொடுக்கவும் முடியும்' என வாழ்த்தியிருந்தார்.

அவரது மற்றோரு பதிவில், 'ஒருவரது வாழ்வின் மிக அழகான தருணங்களை கெடுப்பவர்கள்தான் முதலில் சட்டப்படி தண்டிக்கப்பட வேண்டும். சட்டம் தெரியும், மருத்துவம் தெரியும் என்று சில மதிப்பு இல்லாத கோமாளிகள் பேட்டி கொடுக்கறதும், ட்வீட் போடறதும். திருந்தவேமாட்டாங்க. கடவுள் பார்த்துக் கொண்டிருக்கிறார், யாருக்கு என்ன கொடுக்க வேண்டும் என்பது அவருக்கு தெரியும். முட்டாள்களாகிய நீங்கள் இதிலிருந்து தப்பிக்கலாம் என நினைக்கிறீர்களா? காத்திருந்து பாருங்கள்' என தெரிவித்துள்ளார்.