லங்காசிறி FM
நாவூறும் சுவையில் வெஜ் மோமோஸ்.., இலகுவாக செய்வது எப்படி?
மோமோஸ் உலகம் முழுவதும் பிரபலமாக இருக்கும் ஒரு உணவு.
அந்தவகையில், வீட்டிலேயே சுவையான வெஜ் மோமோஸ் எப்படி செய்வது என்று பார்க்கலாம்.
தேவையான அளவு
- மைதா-1கப்
- உப்பு- தேவையான அளவு
- எண்ணெய்- தேவையான அளவு
- இஞ்சி பூண்டு பேஸ்ட் -1 ஸ்பூன்
- பச்சைமிளகாய்-2
- வெங்காயம்-1
- மிளகுத்தூள்- 1 ஸ்பூன்
- முட்டைகோஸ்- ½ கப்
- கேரட் -½ கப்
- சோயா சாஸ்- 2 ஸ்பூன்
- கொத்தமல்லி இலை- சிறிதளவு
செய்முறை
முதலில் ஒரு பாத்திரத்தில் மைதா மாவு சேர்த்து அதனுடன் சிறிதளவு உப்பு மற்றும் எண்ணெய் சேர்த்து நன்கு பிணைந்துகொள்ளவும்.
பின் ஒரு கடாயில் எண்ணெய் சேர்த்து அதில் இஞ்சி பூண்டு பேஸ்ட் சேர்த்து பச்சை வாசனை போகும்வரை நன்கு வதக்க வேண்டும்.
அடுத்து அதில் வெங்காயம் மற்றும் பச்சைமிளகாய் சேர்த்து நன்கு வதக்க வேண்டும். பின் அதில் தேவையான அளவு உப்பு மற்றும் மிளகுத்தூள் சேர்த்து வதக்கவும்.
இதனைத்தொடர்ந்து அதில் முட்டைகோஸ், கேரட் நறுக்கி சேர்த்து வதக்கவும். கடைசியாக சோயா சாஸ் மற்றும் கொத்தமல்லி இலை தூவி கிளறி இறக்கவேண்டும்.
மோமோஸ் செய்வதற்கு பிணைந்து வைத்துள்ள மைதா மாவை வட்ட வடிவில் தேய்த்து செய்துவைத்த கலவையை இதில் வைத்து மோமோஸ் போல் மடிக்கவும்.
பின் இட்லி பாத்திரத்தில் தண்ணீர் ஊற்றி, இட்லி தட்டில் எண்ணெய் தடவி மோமோசை அடுக்கி 25 நிமிடம் வேகவைத்து இறக்கினால் சுவையான வெஜ் மோமோஸ் தயார்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
களுதாவளை, சாவகச்சேரி, மட்டக்களப்பு, London, United Kingdom
14 Apr, 2021
புங்குடுதீவு 4ம் வட்டாரம், கொழும்பு, Paris, France, Zürich, Switzerland
13 Apr, 2026
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
