லங்காசிறி FM
தவெக மாநாடு: நிலம் கொடுத்த விவசாயிகளுக்கு விருந்து வழங்க விஜய் ஏற்பாடு
தமிழக வெற்றி கழகத்தின் மாநாடு நடைபெற்று முடிந்த நிலையில், நிலம் வழங்கிய விவசாயிகளுக்கு விருந்து வழங்க விஜய் ஏற்பாடு செய்துள்ளார்.
விவசாயிகளுக்கு விருந்து
நடிகர் விஜய்யின் தமிழக வெற்றிக் கழகத்தின் முதல் அரசியல் மாநாடு கடந்த ஒக்டோபர் மாதம் 27 -ம் திகதி விக்கிரவாண்டியில் மிக பிரம்மாண்டமாக நடைபெற்று முடிந்தது. இந்த மாநாட்டில் லட்சக்கணக்கான தொண்டர்கள் கலந்து கொண்டனர்.
தமிழ்நாடு, கர்நாடகா உள்ளிட்ட பிற மாநிலங்களில் இருந்தும் வருகை தந்தனர். இந்த மாநாட்டில் கட்சியின் தலைவர் கொள்கைகளையும், கட்சி கொடி குறித்த விளக்கமும் அளித்தார்.
மேலும், அவர் பேசிய கருத்துக்கள் தமிழக அரசியலில் பெரும் விவாதத்தை ஏற்படுத்தின. இந்நிலையில், தமிழக வெற்றி கழக மாநாடு நடைபெற்ற இடத்திற்கு நிலம் வழங்கிய விவசாயிகளுக்கு விருந்து வழங்க விஜய் ஏற்பாடு செய்துள்ளார்.
சென்னை பனையூரில் உள்ள தமிழக வெற்றி கழக அலுவலகத்தில் அடுத்த வாரம் இந்த நிகழ்ச்சி நடைபெறும் என தகவல் வெளியாகியுள்ளது.
மாநாட்டு திடல் மற்றும் பார்க்கிங்கிற்காக மொத்தம் 250 ஏக்கர் நிலத்தை விவசாயிகள் மற்றும் ரியல் எஸ்டேட் உரிமையாளர்கள் வழங்கியிருந்தனர்.
தற்போது, இதில் 25 பேரை அழைத்து தனது அலுவலகத்தில் வைத்து கௌரவித்து விருந்து வழங்கவுள்ளதாக தெரிகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
