எங்க உங்க அப்பாவையே காணோம் - குட்டிக்கதை மூலம் சீண்டிய முதல்வர் விஜய்

 உங்க அப்பாவையே காணோம் என சட்டமன்றத்தில் முதல்வர் விஜய் குட்டிக்கதை கூறியுள்ளார்.

முதல்வர் விஜய் பேச்சு

தமிழ்நாடு சட்டமன்றத்தில் ஆளுநர் உரைக்கு நன்றி தெரிவிக்கும் விவாதத்தின் இறுதிநாளான இன்று, எதிர்க்கட்சிகளின் கேள்விக்கு தமிழ்நாடு முதலமைச்சர் விஜய் பதிலளித்தார்.

இதில் பேசிய முதல்வர் விஜய், மக்கள் பணத்தை தொட மாட்டோம், தொடவிட மாட்டோம், இதற்கு முன்ன தொட்டவர்களையும் விடமாட்டோம். ஒவ்வொரு ஊழலாக வெளியே வரும் போலயே. 

அவங்க தயவால் தான் நம்ம ஆட்சி நடப்பதாக கூறுகிறார்கள். மக்கள் தயவால் இந்த ஆட்சி நடந்து கொண்டிருக்கிறது. இடதுசாரிகள் சுயமாக முடிவெடுத்து ஆதரவு தெரிவித்தாக கூறுகிறார்கள்.

நாங்க தான் அனுப்பி வச்சோம்னு சொல்றிங்க. அனுப்பி வச்சவங்களுக்கு அமைச்சரவையில் இடம் கொடுக்க ஏன் கதறுறீங்க. சமூகநீதி அரசுனு சொல்றவங்களை பார்த்து கேட்கிறேன். எத்தனை பட்டியலின சகோதரர்களுக்கு அமைச்சரவையில் இடம் கொடுத்தீங்க. நமது அமைச்சரவையில் 8 இடம் வழங்கப்பட்டுள்ளது.

பெண்களின் பாதுகாவலர்கள் என சொல்லிக்கொள்பவர்கள் பெண்களுக்கு எத்தனை அமைச்சர் பதவி கொடுத்தார்கள். நமது அமைச்சரவையில் 4 சகோதரிகளுக்கு இடம் வழங்கப்பட்டுள்ளது.

அது என்ன சோபா மாடல்? அப்படினா என்னனு புரியவே எனக்கு ரொம்ப நாள் ஆனது. இந்த பர்னிச்சர் பிசினஸ் எல்லாம் சட்டமன்றத்திற்கு வெளியே வச்சுக்கோங்க. அக்கப்பூர்வமான கருத்துக்கள் இருந்தால் சொல்ல சொல்லுங்க. கண்டிப்பாக ஏற்றுக்கொள்கிறோம். 

உங்க அப்பாவையே காணோம்

ஒரு குட்டி கதை சொல்லட்டுமா? ஒரு ஊர்ல பெரியவர் வெயில் அதிகமா இருக்குனு கண்ணனுக்கு மேல கைய வச்சு சுத்திசுத்தி தேடிகிட்டு இருந்தாராம். கூட இருந்த சின்ன பையன் என்ன தேடுறிங்க அப்படினு கேட்டானாம். 

அதுக்கு பெரியவர் ஒன்னுமில்லை தம்பி, உங்க அப்பா இங்கதான் இருப்பாருனு சொன்னாங்க, எங்க உங்க அப்பாவையே காணோம்னு சொன்னாராம். எங்களுக்கும் நக்கலு, நையாண்டியா சம்மந்தமில்லாத குட்டிக்கதை எல்லாம் பேச தெரியும்.

அந்த கதையில் பெரியவர் அப்படி சொன்னாரு தப்ப எடுத்துக்கொள்ளாதீங்க. 5 நிமிடம் பேசுனதுக்கே கொளத்தூர் இந்த ஆட்டம் ஆடுச்சு. பேசு பேசுனா என்ன பேசுறது? என கூறியுள்ளார். 

இறுதியாக தனது உரையாக முடிக்கும் முன்னர், முன்னாள் முதல்வர் முகஸ்டாலின் போல் கையால் சைகை செய்தார்.

இதனை தொடர்ந்து அவை திகதி குறிப்பிடப்படாமல் ஒத்திவைக்கப்பட்டுள்ளது.