கமெராவில் அம்பலமான தவறான உறவு: சர்ச்சையை பணமாக்கும் பெண்..வசைபாடும் இணையவாசிகள்

அமெரிக்காவில் உயரதிகாரியுடன் இசை நிகழ்ச்சியில் கலந்துகொண்டதால் சர்ச்சையில் சிக்கிய பெண், ஒரு நிகழ்ச்சியில் அதையே புகழாக்கி பணம் சம்பாதிப்பதாக குற்றம்சாட்டப்படுகிறார். 

கோல்ட்ப்ளே இசை நிகழ்ச்சியில் சிக்கிய பெண்

அமெரிக்காவில் நடந்த கோல்ட்ப்ளே இசை நிகழ்ச்சியில் கிறிஸ்டின் கோபோட் என்ற பெண், தனது நிர்வாக உயரதிகாரி பைரனுடன் கலந்துகொண்டார். 

ஹார்வர்ட் பல்கலைக்கழகத்திற்கு எதிராக வழக்கு: 1 பில்லியன் டொலர் இழப்பீடு கோரும் ட்ரம்ப்

அவர்கள் இருவரும் கட்டிப்பிடித்தபடி நிகழ்ச்சியை ரசித்துக் கொண்டிருந்தபோது, கமெரா அவர்கள் பக்கம் திரும்ப பெரிய திரையில் காணப்பட்டனர்.

இதனால் அவர்களது ரகசிய உறவு அம்பலப்படவே, இதுகுறித்து விசாரணை நடத்திய அஸ்ட்ரோனமர் நிறுவனம் இருவர் மீதும் நடவடிக்கை எடுத்தது.

அதனைத் தொடர்ந்து பைரன் தலைமைச் செயல் அதிகாரி பதவியில் இருந்து விலக, கோபோட்டும் தனது பதவியை இராஜினாமா செய்தார். 

சர்ச்சை புகழைப் பயன்படுத்தி பணம்

இந்த நிலையில் கோபோட் வாஷிங்டன் டி.சி-யில் ஒரு முக்கிய நிகழ்ச்சியில் உரையாற்றும் வாய்ப்பைப் பெற்றுள்ளார். ஆனால், அவர் தனது சர்ச்சை புகழைப் பயன்படுத்தி பணம் சம்பாதிப்பதாக இணையவாசிகளால் கடும் விமர்சனத்திற்கு உள்ளாகியுள்ளார். 

ஏனெனில், அவர் அதிக விலைக்கு டிக்கெட்டுகளை விற்று தனது புதிய புகழைப் பயன்படுத்தி பணம் சம்பாதிப்பதாக குற்றம்சாட்டப்படுகிறார்.

PRWeek-யின் 2026 நெருக்கடி தொடர்பான கூட்டத்தில், ஒரு டிக்கெட்டை கிட்டத்தட்ட 900 டொலர் விலையில் கோபோட் விற்று வருவதாக தெரிய வருகிறது. Taking Back the Narrative என்ற தலைப்பில் கோபோட் 30 நிமிட உரையை நிகழ்த்த உள்ளார்.

கோபோட்டின் இந்த அறிவிப்பிற்கு இணையத்தில் மோசமான வரவேற்பு கிடைத்துள்ளது. 'தற்காலிக பண ஆதாயத்திற்காக' இந்த சர்ச்சையைப் பயன்படுத்திக் கொள்வதாக பலரும் கூறி வருகின்றனர்.