சச்சின், ரிக்கி பாண்டிங் சாதனையை முறியடித்த கோலி.!

Cricket Record Virat Kohli Sachin Tendulkar Ricky Ponting One Day International

By Ragavan Jan 20, 2022 01:17 AM GMT

Ragavan

in கிரிக்கெட்

Report

தென்னாப்பிரிக்காவுக்கு எதிரான முதல் ஒருநாள் போட்டியில் விராட் கோலி பல்வேறு சாதனைகளை முறியடித்துள்ளார்.

இந்தியா, தென் ஆப்பிரிக்கா இடையிலான முதல் ஒருநாள் போலண்ட் பார்கில் நடைபெற்றது.

இந்த போட்டியில் இந்திய அணிக்கு 297 ஓட்டங்கள் என்ற இலக்கை தென்னாப்பிரிக்க அணி நிர்ணயித்தது. இதில், இந்திய அணியின் கேப்டன் ராகுல் 12 ஓட்டங்களில் ஆட்டமிழந்தார்.

இதனையடுத்து களத்திற்கு வந்த விராட் கோலி, பந்துகளை அழகாக இடைவெளி பார்தது அடித்து, ஓட்டங்களை ஓடியே எடுத்தார். மேலும் மோசமான பந்துகளை பவுண்டரிகளுக்கு விரட்டி, ஓட்டங்களை சேர்த்தார்.

இதன் மூலம் விராட் கோலி 63 பந்துகளில் 51 ஓட்டங்கள் அடித்தார் விராட் கோலி. அதைத் தொடர்ந்து ஒரு சதம் அடிப்பார் என எதிர்பார்க்கப்பட்ட நிலையில் ஆட்டமிழந்தார். இதன் மூலம் விராட் கோலி கடைசியாக விளையாடிய 6 இன்னிங்சில் 5 அரைசதம் விளாசியுள்ளார்.

இந்த இன்னிங்ஸ் மூலம் அந்நிய மண்ணில் நடைபெற்ற ஒருநாள் போட்டியில் அதிக ஓட்டங்கள் விளாசிய இந்திய வீரர் என்ற சாதனையை படைத்தார்.

இதற்கு முன்பாக சச்சின் டெண்டுல்கர் 5065 ஓட்டங்களும், தோனி 4520 ஓட்டங்களும் அடித்திருந்தனர். தற்போது அந்த சாதனையை கோலி முறியடித்தார்.

இதே போன்று அந்நிய மண்ணில் அதிக ஓட்டங்களை அடித்த வீரர்கள் பட்டியலில் ரிக்கி பாண்டிங்கை விராட் கோலி முறியடித்தார்.

இந்தப் போட்டியில் ஒரு சதம் மட்டும் அடித்திருந்தால், சர்வதேச கிரிக்கெட்டில் அதிக சதம் விளாசிய வீரர்கள் பட்டியலில் ரிக்கி பாண்டிங்கை கோலி சமன் செய்து இருப்பார்.

சச்சின், ரிக்கி பாண்டிங் சாதனையை முறியடித்த கோலி.! | Virat Kohli Breaks Sachin Ricky Ponting Records

தென்னாப்பிரிக்காவுக்கு எதிராக அதிக ஓட்டங்களை விளாசிய இந்திய வீரர்கள் பட்டியலில் கங்குலி, டிராவிட் ஆகியோரை பின்னுக்கு தள்ளி விராட் கோலி 2வது இடத்தில் உள்ளார்.

1- சச்சின் டெண்டுல்கர் - 2001 ஓட்டங்கள்

2 - விராட் கோலி - 1338 ஓட்டங்கள்

3 - சௌரவ் கங்குலி - 1313 ஓட்டங்கள்

4 - ராகுல் டிராவிட் - 1309 ஓட்டங்கள்

மேலும் கிரிக்கெட் செய்திகளைப் படிக்க இங்கே அழுத்தவும்

முக்கிய செய்திகள் பிரபலமானவை

இன்றைய செய்திகள்