அனைவருமே CEO தான்! உலகத்தையே திரும்பி பார்க்க வைத்த குடும்பம்

அமெரிக்காவில் இந்தியர் ஒருவரது மொத்த குடும்ப உறுப்பினர்களும் ஒவ்வொரு நிறுவனத்திற்கு தலைமை நிர்வாக அதிகாரிகளாக கலக்கி வருகின்றனர்.

பிளாக்செயின் ஸ்டார்ட்அப் நிறுவனம்

அமெரிக்காவில் ஹெல்த்கேர் சேவையில் அசத்தி வரும் Rupa Health நிறுவனத்தின் நிறுவனர் மற்றும் சிஇஓ-வாக உள்ளார் 33 வயதான தாரா விஸ்வநாதன். இந்த நிறுவனத்தின் மதிப்பு மார்ச் 2022ல் 80 முதல் 120 மில்லியன் டொலர் என மதிப்பிடப்பட்டது.

Credit: zencare

மட்டுமின்றி கடந்த ஆகஸ்ட் மாதம் 18.5 மில்லியன் டொலர் முதலீட்டை திரட்டியது, இதன் மூலம் தற்போது 200 முதல் 250 மில்லியன் டொலர் வரையில் இந்த நிறுவனத்தை மதிப்பிடப்படலாம்.

35 வயதான நிகில் விஸ்வநாதன் Alchemy என்னும் பிளாக்செயின் ஸ்டார்ட்அப் நிறுவனத்தின் நிறுவனர் மற்றும் சிஇஓ-வாக உள்ளார். இவருடைய ஸ்டார்ட்அப் நிறுவனம் சுமார் 10 பில்லியன் டொலர் மதிப்பீடு உடனும், நிகில் விஸ்வநாதன் 1.8 பில்லியன் டொலர் சொத்து மதிப்புடன் போர்ப்ஸ் பணக்காரர்கள் பட்டியலில் இடம்பெற்றார்.

இவர்கள் இருவரின் தந்தை பாலு விஸ்வநாதன் அமெரிக்காவில் கிரிட்டிக்கல் கேர் பரிவில் மருத்துவராக பணியாற்றியவர், தாயார் உஷா அக்கவுண்டென்ட். இருவரும் கைநிறைய சம்பளத்துடன் பாதுகாப்பான வாழ்க்கையை வாழ்ந்துக்கொண்டு வந்தனர்.

1990களின் துவக்கத்தில் சொந்தமாக நிறுவனங்கள்

ஆனால் பெரும் கனவுகளை கொண்ட பாலு மற்றும் உஷா தம்பதி ரிஸ்க் எடுக்க முடிவு செய்தனர். தாரா மற்றும் நிகில் பாடசாலை மாணவர்களாக இருந்த போது பாலு மற்றும் உஷா தம்பதி தங்களது பணியில் இருந்து ஓய்வை அறிவித்து கன்சல்டன்சி வர்த்தகத்தை துவங்கினர்.

மட்டுமின்றி இன்பர்மேஷன் சிஸ்டம் மேனேஜ்மென்ட் பிரிவில் முதுகலை பட்டம் பெற்றார் உஷா. 1990களின் துவக்கத்தில் வாய்ப்புகளை பயன்படுத்தி சொந்தமாக நிறுவனங்களை துவங்கியவர்களில் பாலு- உஷா தம்பதியும் ஒன்று.

Credit: goodreturns

இவர்கள் உருவாக்கிய Starnik Systems கிளவுட் அடிப்படையில் இயங்கும் ஒரு யுடிலிட்டி பில்லிங் சாப்ட்வேர் நிறுவனம். Starnik Systems தற்போது அமெரிக்க விமான படை முதல் பல முன்னணி யூடிலிட்டி நிறுவனங்களுக்கும் சேவை அளிக்கிறது.

Starnik Systems நிறுவனமானது 4 பில்லியன் டொலர் மதிப்பிலான வர்த்தகத்திற்குரிய சேவையை நிர்வகித்து வருகிறது என்பது குறிப்பிடத்தக்கது.