லங்காசிறி FM
தேர்தலில் விவேக் ராமசாமி தோல்வி - டிரம்ப் அரசியல் செல்வாக்கிற்கு பின்னடைவு
Vivek Ramaswamy Loses Ohio Governor Race Shock: ஒஹியோ ஆளுநர் தேர்தலில் விவேக் ராமசாமி தோல்வியடைந்தார்.
விவேக் ராமசாமி தோல்வி
அமெரிக்காவின் ஒஹியோ மாநில ஆளுநர் தேர்தலில், குடியரசுக் கட்சி (Republican Party) வேட்பாளரான இந்திய வம்சாவளியைச் சேர்ந்த விவேக் ராமசாமி தோல்வியடைந்துள்ளார்.
ஜனநாயகக் கட்சி (Democratic Party) வேட்பாளரான ஏமி ஆக்டன் வெற்றி பெற்று, கடந்த 15 ஆண்டுகளுக்குப் பிறகு ஒஹியோவில் ஜனநாயகக் கட்சியின் ஆட்சியை மீண்டும் நிறுவியுள்ளார்.
மருத்துவரும், ஒஹியோ சுகாதாரத் துறையின் முன்னாள் இயக்குநருமான ஏமி ஆக்டன், கொரோனா காலத்தில் தனது செயல்பாடுகள் மூலம் மாநில மக்களிடையே பரவலாக அறியப்பட்டவர். தேர்தல் பிரசாரத்தின் போது அவர் விலைவாசி உயர்வு, சுகாதார வசதிகள் மற்றும் பொது சேவைகள் போன்ற பிரச்சினைகளுக்கு முக்கியத்துவம் அளித்தார்.
அதே நேரத்தில், விவேக் ராமசாமி வரிக் குறைப்பு, கட்டுப்பாடுகளை தளர்த்துதல் மற்றும் பொருளாதார வாய்ப்புகளை விரிவுபடுத்துதல் போன்ற வாக்குறுதிகளை முன்வைத்தார்.
விவேக் ராமசாமி
1985-ஆம் ஆண்டு ஒஹியோ மாநிலத்தின் சின்சினாட்டியில் கேரளாவைச் சேர்ந்த இந்திய குடியேற்ற பெற்றோருக்கு பிறந்த விவேக் ராமசாமி, உயிரித் தொழில்நுட்பத் துறையில் வெற்றி பெற்ற தொழில்முனைவோர் ஆவார். ஹார்வர்டு பல்கலைக்கழகத்தில் உயிரியல் படித்த அவர், பின்னர் யேல் பல்கலைக்கழகத்தில் சட்டப் பட்டமும் பெற்றார். 2014 ஆம் ஆண்டு தொடங்கிய Roivant Sciences நிறுவனத்தின் மூலம் பெரிய செல்வத்தை உருவாக்கினார்.
2023-ஆம் ஆண்டு அமெரிக்க குடியரசுக் கட்சியின் ஜனாதிபதி வேட்பாளர் போட்டியில் களமிறங்கிய அவர், பின்னர் போட்டியிலிருந்து விலகி டொனால்ட் டிரம்ப்-க்கு ஆதரவு தெரிவித்தார். அதன் பின்னர் டிரம்பின் நெருங்கிய அரசியல் கூட்டாளிகளில் ஒருவராகக் கருதப்பட்டார்.
ஒஹியோ ஆளுநர் தேர்தலிலும் டிரம்ப் அவருக்கு வெளிப்படையாக ஆதரவு அளித்திருந்தார். இந்த தேர்தல் மாநில அரசியலைத் தாண்டி தேசிய கவனத்தையும் ஈர்த்தது. ராமசாமி வெற்றி பெற்றிருந்தால், ஒஹியோ மாநிலத்தின் முதல் இந்திய வம்சாவளி ஆளுநராக வரலாறு படைத்திருப்பார். மேலும் 2028-ஆம் ஆண்டு அமெரிக்க ஜனாதிபதி தேர்தலுக்கான அவரது அரசியல் எதிர்காலத்திற்கும் இது முக்கியமான படிக்கல்லாகக் கருதப்பட்டது.
ஆனால் இந்த தோல்வி, அவரது வளர்ந்து வந்த அரசியல் செல்வாக்கிற்கும், டிரம்பின் நீண்டகால அரசியல் திட்டங்களுக்கும் ஒரு பின்னடைவாக பார்க்கப்படுகிறது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
பருத்தித்துறை, மன்னார், Chavakacheri, புலோலி, Lewisham, United Kingdom
03 Oct, 2026
பர்மா, Burma, யாழ்ப்பாணம், கொழும்பு, Minnesota, United States, நியூ யோர்க், United States
05 Nov, 2025
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
புங்குடுதீவு 2ம் வட்டாரம், புங்குடுதீவு குறிகட்டுவான், கனடா, Canada
03 Nov, 2013
வேலணை மேற்கு 8ம் வட்டாரம், London, United Kingdom
03 Nov, 2024
