லங்காசிறி FM
1 லட்சம் பணியாளர்கள் பணியிடை நீக்கம்: வோக்ஸ்வேகன் நிறுவனம் முடிவு
Volkswagen Announces 100000 Jobs Cuts: கிட்டத்தட்ட 1 லட்சம் பணியாளர்களை பணியிடை நீக்கம் செய்ய இருப்பதாக பிரபல கார் தயாரிப்பு நிறுவனமான வோக்ஸ்வேகன் அறிவித்துள்ளது.
1 லட்சம் பணியாளர்கள் பணியிடை நீக்கம்
சர்வதேச வாகன துறையில் மிகப்பெரிய அறிவிப்பாக, ஜேர்மனியின் பிரபல கார் தயாரிப்பு நிறுவனமான வோக்ஸ்வேகன்(Volkswagen) மறுசீரமைப்பு நடவடிக்கை ஒன்றை அறிவித்துள்ளது.
அதில், 2030 ம் ஆண்டுக்குள் உலக அளவில் கிட்டத்தட்ட 1,00,000 பணியிடங்களை குறைக்க இருப்பதாக அறிவித்துள்ளது.
இந்த எண்ணிக்கையானது வோக்ஸ்வேகன் நிறுவனத்தின் ஒட்டுமொத்த பணியாளர்கள் எண்ணிக்கையில் 15% ஆகும்.
ஏற்கனவே 50000 பணியிடங்களை குறைக்க ஒப்புக் கொள்ளப்பட்ட நிலையில், கூடுதலாக 50,000 பணியிடங்களை குறைக்க வோக்ஸ்வேகன் நிர்வாகமும், அதன் தொழிற்சங்கமும் ஒப்புதல் வழங்கியுள்ளது.
வோக்ஸ்வேகன் நிறுவனத்தின் இந்த அறிவிப்பானது கடந்த 2009ம் ஆண்டு ஜெனரல் மோட்டார் நிறுவனம் திவாலானதை அடுத்து சுமார் 50000 பணிநீக்கங்களை செய்ததை விட அதிகமானது ஆகும்.
உலகளாவிய பணிநீக்கங்கள் தவிர, ஜேர்மனியில் செயல்பட்டு வரும் ஹானோவர் (Hannover), எம்டென் (Emden), ஸ்விகாவு(Zwickau) மற்றும் நெக்கர்சுல்ம்(Neckarsulm) ஆகிய ஆகிய தொழிற்சாலைகளின் எதிர்காலமும் கேள்விக்குறியாகி இருப்பதாக நிறுவனம் எச்சரித்துள்ளது.
அதிகரித்து வரும் சீன கார் தயாரிப்பு நிறுவனங்களின் போட்டி மற்றும் மின்சார வாகனங்களின் விற்பனை வளர்ச்சி பெறுவதில் ஏற்படும் தாமதம் ஆகியவை ஐரோப்பிய கார் தயாரிப்பு நிறுவனங்களுக்கு மிகப்பெரிய பொருளாதார சவால்களை ஏற்படுத்தி வருவது குறிப்பிடத்தக்கது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
யாழ்ப்பாணம், வவுனியா, கனடா, Canada, Montreal, Canada
31 Aug, 2015
