பிரித்தானியாவில் இரண்டு ரயில்கள் ஒன்றுடன் ஒன்று மோதல்: ஒருவர் பலி 15 பேர் காயம்

United Kingdom Wales

By Balamanuvelan Oct 22, 2024 04:37 AM GMT

Balamanuvelan

in ஐக்கிய இராச்சியம்

Report

பிரித்தானியாவின் வேல்ஸ் நாட்டில் இரண்டு ரயில்கள் ஒன்றுடன் ஒன்று மோதிக்கொண்டதில் ஒருவர் பலியானார், 15 பேர் காயமடைந்துள்ளனர்.

இரண்டு ரயில்கள் ஒன்றுடன் ஒன்று மோதல்

பிரித்தானியாவில் இரண்டு ரயில்கள் ஒன்றுடன் ஒன்று மோதல்: ஒருவர் பலி 15 பேர் காயம் | Wales 2 Trains Crash As Emergency Services Attend

நேற்று இரவு 7.30 மணியளவில், வேல்ஸ் நாட்டிலுள்ள Llanbrynmair என்னுமிடத்தில் இந்த விபத்து நிகழ்ந்துள்ளது.

Shrewsbury என்னுமிடத்திலிருந்து Aberystwyth என்னுமிடம் நோக்கிச் சென்றுகொண்டிருந்த ஒரு ரயிலும், Machynllethஇலிருந்து Shrewsbury நோக்கி வந்துகொண்டிருந்த ரயிலும் ஒன்றுடன் ஒன்று மோதியுள்ளன.

எதனால் இந்த விபத்து நிகழ்ந்தது என்பது குறித்த எந்த தகவலும் வெளியாகாத நிலையில், இந்த துயர சம்பவத்தில் ஒருவர் உயிரிழந்ததாக பொலிசார் தெரிவித்துள்ளார்கள்.

மேலும் 15 பேர் காயங்கள் காரணமாக மருத்துவமனைக்குக் கொண்டு செல்லப்பட்டுள்ளனர். அவர்கள் உயிருக்கு ஆபத்து எதுவும் இல்லை என கூறப்படுகிறது.

இந்த விபத்து காரணமாக அந்த பாதை மூடப்பட்டுள்ளதால், பயணிகள் தாங்கள் புறப்படும் முன் தங்கள் ரயில் குறித்து விசாரித்து பயணம் தொடர்பில் முடிவு செய்யுமாறு போக்குவரத்துத்துறையும் ரயில்வே நிர்வாகமும் மக்களைக் கேட்டுக்கொண்டுள்ளன.