நரைமுடியை கருப்பாக மாற்ற வேண்டுமா? இதோ சில எளிய வழிகள்

இன்றைய தலைமுறையினருக்கு உள்ள மிகப்பெரிய பிரச்சனைகளில் முக்கியமாக இருப்பது இளம் வயதில் ஏற்படும் நரைதான்.

பல வகையான கெமிக்கல் நிறைந்த ஷாம்புகளை பயன்படுத்துவதால் உடலளவில் பல பிரச்சனைகள் உண்டாகும்.

எனவே இயற்கையாக கிடைக்கும் பொருட்களை வைத்து தலை முடியை எவ்வாறு கருமையாக்க முடியும்.தற்போது அவை எப்படி என இங்கே பார்ப்போம்.

• மருதாணி இலைகளை காம்பு இல்லாமல் சுத்தம் செய்து ஈரமில்லாமல் வைக்கவும். கடுகு எண்ணெயை இலேசாக சூடாக்கி இந்த எண்ணெயை தொடர்ந்து பயன்படுத்தி வந்தால் இவை நரையை போக்கி கருமையை உண்டாக்கும்.
  
  
• செம்பருத்தி இலையை அரைத்து மென்மையாக உச்சந்தலை மற்றும் கூந்தலில் மசாஜ் செய்து விடவும். 45 நிமிடங்கள் கழித்து குளிர்ந்த நீரால் கூந்தலை அலசி எடுக்கவும். இது நரைமுடியை தடுப்பதோடு முன்கூட்டி கூந்தல் நரைப்பதையும் தடுக்கும். செம்பருத்தி இலையை ஃப்ரெஷ்ஷாக அல்லது உலர்த்தி பொடியாக்கி பயன்படுத்தலாம்.
  
  
• நெல்லிக்காய் பொடியை தேங்காயெண்ணெயுடன் கலந்து மென்மையாக சூடேற்றி உச்சந்தலையில் மென்மையாக மசாஜ் செய்து விடவும். இது இளநரையை போக்க செய்யும்.
  
  
• நல்லெண்ணெய் முடி வளர்ச்சிக்கு பயனுள்ளதாக இருக்கும் மற்றும் முன்கூட்டிய நரை பிரச்சனையை தடுக்க செய்யும். தினசரி நல்லெண்ணெயில் உச்சந்தலையில் மசாஜ் செய்து வந்தால் சில மாதங்களில் நல்ல பலன் கிடைக்கும்.
  
  
• கற்றாழை ஜெல்லை உச்சந்தலையில் தடவி அரை மணி நேரம் உலர விடவும். உச்சந்தலையை குளிர்ந்த நீரில் கழுவி விடவும். இது முடி நரைத்தல் மற்றும் முடியின் கடினத்தன்மை இரண்டையும் போக்கும். கூந்தலுக்கு குளிர்ச்சித்தன்மை கொடுக்கும். கூந்தலை வறட்சியிலிருந்து பாதுகாத்து மென்மையாக வைத்திருக்க செய்யும்.
  
  
• தேங்காயெண்ணெயை இலேசாக சூடேற்றி கறிவேப்பிலை சேர்த்து கொதிக்க வைக்கவும். இதை இறக்கி ஆறியதும் கண்ணாடி பாட்டிலில் ஊற்றி வேண்டியபோது உச்சந்தலையில் தடவி விரல் நுனிகளால் மசாஜ் செய்யவும். முடி நரைத்தல் மற்றும் முடி வளர்ச்சிக்கு இந்த தீர்வு பயனுள்ளதாக இருக்கும்.
  
  
• தாமரை இலைகளை எடுத்து குறைந்த தீயில் காட்டி சூடாக்கி சாறு எடுக்கவும். அரை லிட்டர் நல்லெண்ணெய் விட்டு தாமரை இலைகளின் சாறு சேர்த்து கொதிக்க விடவும். இரண்டு மூன்று நிமிடங்கள் கொதித்த பிறகு சாறு நன்றாக கலந்து எண்ணெய் மேலாக ஒரு அடுக்கில் மிதக்கும். அப்போது இறக்கிவிடவும். இந்த எண்ணெய் முன்கூட்டிய சாம்பல் நிறத்தை மாற்றுகிறது.
  
  
• மருதாணி இலை 50 கிராம் எடுத்து தேங்காயெண்ணெய் 250 மில்லி எடுத்து கொதிக்க வைத்து வடிகட்டவும். இதை வடிகட்டி கண்ணாடி பாட்டிலில் சேமிக்கவும். இதை வாரத்தில் இரண்டு அல்லது மூன்று முறை முடி அலசும் முன் கூந்தலில் தடவி மசாஜ் செய்ய வேண்டும். அப்படி செய்து வந்தால் இளநரை பழுப்பு நிறமாகி பிறகு கருமையாகும்.
  
  
• கீழாநெல்லி செடியின் வேர் பகுதியை எடுத்து சிறிய துண்டுகளாக வெட்டி விடவும். இதை தேங்காயெண்ணெயுடன் சேர்த்து நன்றாக கொதிக்க விடவும். முடியின் நிறம் மாறும் வரை இந்த எண்ணெயை தலைக்கு பயன்படுத்தி வரலாம்.