மகனின் முகத்தை கடைசியாக ஒருமுறை பார்க்க வேண்டும்... பிரித்தானிய தாயாரின் உருக்கமான முடிவு

ஸ்பெயின் நாட்டில் Tenerife தீவில் நான்கு வாரங்களுக்கு முன்னர் மாயமான பிரித்தானிய இளைஞரை உள்ளூர் பொலிசார் சடலமாக மீட்டுள்ள சம்பவம் வெளியாகியுள்ளது.

4 வாரங்களுக்கு முன்னர் 

குறித்த இளைஞர் தொடர்பில் பொலிசார் உறுதி செய்துள்ள நிலையில், அவரது தாயார் வெளிப்படுத்தியுள்ள விடயம் உறவினர்களை கலங்கடித்துள்ளது.

மலைப்பகுதியில் தடுமாறி விழுந்து மரணமடைந்துள்ளதாகவே முதற்கட்ட விசாரணையை அடுத்து பொலிசார் உறுதி செய்துள்ளனர். இந்த நிலையில் ஸ்பெயின் பொலிஸ் அதிகாரிகள் வெளியிட்டுள்ள தகவலில்,

Tenerife தீவின் Masca பகுதியில் சடலமொன்றை மீட்டுள்ளதாகவும், உடற்கூறு ஆய்வுகள் மற்றும் அடையாளங்களின் அடிப்படையில், 4 வாரங்களுக்கு முன்னர் மாயமான 19 வயது பிரித்தானிய இளைஞர் Jay Slater-ன் உடல் அது என குறிப்பிட்டுள்ளனர்.

குடும்பத்தினர் அளித்துள்ள DNA மாதிரியில் அது Jay Slater-ன் உடல் என உறுதி செய்யப்பட்டுள்ளது. இதனால், உறவினர்கள் வந்து அடையாளம் கண்டு உறுதி செய்ய வேண்டிய கட்டாயம் இல்லை என்றும் குறிப்பிட்டுள்ளனர்.

கடைசியாக ஒருமுறை

ஆனால், தமது மகனை கடைசியாக ஒருமுறை காண வேண்டும் என தாயார் Debbie Duncan குறிப்பிட்டுள்ளதாக குடும்பத்தினர் தெரிவித்துள்ளனர். மட்டுமின்றி, வெளியான தகவலால், Debbie Duncan மனமுடைந்த நிலையில் காணப்படுகிறார் என்றும், அவர்கள் இப்படியான ஒரு தகவலை எதிர்பார்க்கவில்லை என்றும் குடும்பத்தினர் தரப்பில் தெரிவிக்கப்பட்டுள்ளது.

மட்டுமின்றி, Jay Slater-ன் உடல் பொலிசார் தேடியப் பகுதிக்கு மிக அருகாமையிலேயே மீட்கப்பட்டுள்ளது. அதாவது, அவர்கள் குறிப்பிட்ட பகுதியைக் கடந்து சென்றுள்ளனர் என்றும், பொலிசார் தேடும் போது Jay Slater-ன் உடல் அங்கேயே காணப்பட்டுள்ளது என்றும் குறிப்பிட்டுள்ளனர்.

திங்களன்று பகல் 10 மணியளவில் Jay Slater-ன் உடல் மீட்கப்பட்டுள்ளது. தொடர்ந்து 29 நாட்கள் தேடப்பட்டு வந்த நிலையில் Masca பகுதியில் பிரித்தானிய இளைஞரின் சடலம் மீட்கப்பட்டுள்ளது என்றே உள்ளூர் பொலிசார் அறிக்கை ஒன்றில் குறிப்பிட்டுள்ளனர்.

மஸ்கா கிராமத்தின் வழியாக தனியாக தனது தங்குமிடத்திற்கு செல்ல முடிவு செய்த ஜெய் ஜூன் 17 அன்று காணாமல் போனார். இதனையடுத்து ஹெலிகொப்டர், ட்ரோன் மற்றும் மோப்ப நாய்களுடன் தேடுதல் நடவடிக்கை முன்னெடுக்கப்பட்டது. ஆனால், 4 வாரங்களுக்கு பின்னர் குறித்த இளைஞரின் உடல் சடலமாக மீட்கபப்ட்டுள்ளது.