ரூ.51,117 கோடியை நன்கொடையாக வழங்கிய 96 வயது தொழிலதிபர்
Warren Buffett donates rs.51,117 crores to family foundations: வாரன் பஃபெட், ரூ.51,117 கோடியை தனது குடும்பத்தினர் நிர்வகிக்கும் அறக்கட்டளைக்கு நன்கொடையாக வழங்கியுள்ளார்.
ரூ.51,117 கோடி நன்கொடை
பொ்க்ஷைா் ஹாத்வே முதலீட்டு நிறுவனத்தின் கௌரவ தலைவராக உள்ள 96 வயதான வாரன் பஃபெட், 162.5 பில்லியன் டொலர் சொத்துமதிப்புடன் உலக பணக்காரர்கள் பட்டியலில் 7வது இடத்தில் உள்ளார்.

இந்நிலையில், வாரன் பஃபெட் 6,150 கிளாஸ் ஏ பெர்க்ஷயர் பங்குகளை 92.25 லட்சம் கிளாஸ் பி பங்குகளாக மாற்றி, அவற்றில் 36.90 லட்சம் பங்குகளை சூசன் தாம்சன் பஃபெட் அறக்கட்டளைக்கு வழங்கியுள்ளார்.
மேலும், அவரது மகள் சூசனுடன் தொடர்புடைய ஷெர்வுட் அறக்கட்டளை, அவரது மகன் ஹோவர்ட் தலைமையிலான ஹோவர்ட் ஜி. பஃபெட் அறக்கட்டளை மற்றும் அவரது மகன் பீட்டர் நடத்தும் நோவோ அறக்கட்டளை ஆகியவற்றுக்கு தலா 18.45 லட்சம் பங்குகளையும் வழங்கினார்.
இதன் மூலம், 2006 ஆம் ஆண்டிற்குப் பிறகு முதன்முறையாக, கேட்ஸ் அறக்கட்டளை அவரது வருடாந்திர கோடைக்கால நன்கொடையின் ஒரு பகுதியைப் பெறவில்லை.
பல ஆண்டுகளாக, கேட்ஸ் அறக்கட்டளைக்கு சுமார் 48 பில்லியன் டொலர்வழங்கி இருந்தார்.
இந்த நன்கொடைகளுக்கு பின்னரும், வாரன் பஃபெட் இன்னும் 182,140 ‘கிளாஸ் ஏ’ பங்குகளை, அதாவது சுமார் 162 பில்லியன்டொலர் மதிப்பிலான பங்குகளை, தன்வசம் வைத்துள்ளார்.

இந்த சமீபத்திய பங்களிப்புடன், இந்த தொண்டு நிறுவனங்களுக்கு பஃபெட் வழங்கிய பெர்க்ஷயர் ஹாதவே பங்குகளின் மொத்த நன்கொடை 29 பில்லியன் டொலர்களைத் தாண்டியுள்ளது.
2026 ஆம் ஆண்டுக்கான ஃபோர்ப்ஸ் பத்திரிகையின் அமெரிக்காவின் 25 தாராள மனப்பான்மை கொண்ட நன்கொடையாளர்கள் பட்டியலில் வாரன் பஃபெட் முதலிடத்தில் உள்ளார்.
2025 ஆம் ஆண்டின் இறுதிக்குள், பஃபெட் தனது மொத்த நிகர மதிப்பில் சுமார் 32% ஆன 68.3 பில்லியன் டொலர்களை பல்வேறு நற்பணிகளுக்காக நன்கொடையாக வழங்கியிருந்தார்.
தனது வாழ்நாளில் செய்யப்படும் நன்கொடைகள் மூலமாகவோ அல்லது வேறு ஏதேனும் ஏற்பாட்டின் மூலமாகவோ, தனது மீதமுள்ள பெர்க்ஷயர் பங்குகள் டிசம்பர் 31, 2034க்குள் நான்கு குடும்ப அறக்கட்டளைகளுக்கு மாற்றப்படும் என்று பஃபெட் கூறியிருந்தார்.