லங்காசிறி FM
மீன் விற்று சம்பாதிக்கிறேன்.., நாம் தமிழர் வேட்பாளர் காளியம்மாளின் சொத்து மதிப்பு எவ்வளவு?
மயிலாடுதுறை மக்களவை தொகுதி நாம் தமிழர் வேட்பாளர் காளியம்மாளின் சொத்து மதிப்பு குறித்த விவரங்கள் வெளியாகியுள்ளது.
வேட்புமனு தாக்கல்
40 மக்களவை தொகுதிக்கான வேட்பாளர்களையும் நாம் தமிழர் கட்சி ஒருங்கிணைப்பாளர் சீமான் ஒரே மேடையில் அறிமுகம் செய்தார். இதில் 20 பெண் வேட்பாளர்களும், 20 ஆண் வேட்பாளர்களும் களமிறங்குகின்றனர்.
அந்தவகையில், மயிலாடுதுறை தொகுதி வேட்பாளராக காளியம்மாள் களமிறங்குகிறார். இவர், மாட்டு வண்டியில் ஊர்வலமாக சென்று மயிலாடுதுறை நாம் தமிழர் வேட்பாளருக்கான வேட்புமனுவை தாக்கல் செய்தார்.
சொத்து மதிப்பு
காளியம்மாள் தனது வேட்புமனுவுடன் தனது சொத்து விபரங்கள் குறித்த பிரமாண பத்திரத்தை தாக்கல் செய்துள்ளார்.
அதில், தான் இளங்கலை வணிகவியல் படிப்பை 2004-2007 ல் முடித்ததாக தெரிவித்துள்ளார். தற்போது மீன் விற்பனை செய்து மாதம் வருமானம் ரூ.30000 பெறுகிறேன்.
அதோடு கடந்த ஆண்டு வருமானம் ரூ.4 லட்சத்து 38 ஆயிரத்து 600 என தெரிவித்துள்ளார். நாம் தமிழர் கட்சியின் பொதுக்கூட்டத்தில் காளியம்மாள் பேசியபோது பதிவு செய்யப்பட்ட 2 குற்றவியல் வழக்குகள் நிலுவையில் உள்ளது.
இவரது கையில் ரூ.50,000 பணமும், கணவரின் கையில் ரூ.20,000 பணமும் உள்ளதாக காட்டியுள்ளார். மேலும், காளியம்மாளின் வங்கி கணக்குகளில் சுமார் ரூ.32 ஆயிரம் இருப்பதாகவும், ரூ.13.75 லட்சம் மதிப்பிலான 200 கிராம் தங்க நகைகளை வைத்திருப்பதாகவும் தெரிவித்துள்ளார்.
மொத்தமாக ரூ.14 லட்சத்து 63 ஆயிரத்து 763 மதிப்பிலான சொத்துகள் உள்ளதாகவும், அசையா சொத்துக்கள் இல்லை என்றும் கூறியுள்ளார். அதோடு, காளியம்மாள் பெயரில் ரூ.5.60 லட்சம் கடன் உள்ளது என்றும் கூறப்பட்டுள்ளது.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
நயினாதீவு 5ம் வட்டாரம், நயினாதீவு 2ம் வட்டாரம், கோண்டாவில், Toronto, Canada, Montreal, Canada, London, United Kingdom
04 Dec, 2025
மன்னார், கொழும்பு, யாழ்ப்பாணம், மிருசுவில், கனடா, Canada
14 Dec, 2020
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
