லங்காசிறி FM
50,000 ரூபாயின் மதிப்பு 20 ஆண்டுகளுக்கு பிறகு எவ்வளவாக இருக்கும்? அதிர்ச்சியடைய வைக்கும் தொகை
நீங்கள் கையில் வைத்திருக்கும் 50,000 ரூபாயின் மதிப்பு 20 ஆண்டுகளுக்கு பிறகு எவ்வளவு இருக்கும் என்பதை பார்க்கலாம்.
10 ஆண்டுகளுக்கு முன்பு இருந்த 100 ரூபாயின் மதிப்பு தற்போது எவ்வளவு குறைந்துள்ளது என்பதை நாம் எல்லோருக்கும் அறிந்த விடயம் தான்.
பணவீக்கம் (Inflation) அதிகரித்து வருவதால் காலப்போக்கில் பல்வேறு பொருட்களின் விலையை அதிகரித்து விடுகிறது. இதனால், பணத்தின் மதிப்பும் குறைந்துவிடுகிறது. இதனை எல்லாம் நாம் சமாளிக்க வேண்டும் என்றால் இப்போது இருந்தே அதற்கான திட்டமிடுதலை நாம் முன்னெடுக்க வேண்டும்.
இந்த மாதிரியான நேரங்களில் நாம் முதலீடுகளில் கவனம் செலுத்த வேண்டும். அதாவது, பணவீக்கம் மற்றும் விலைவாசி உயர்வை கருத்தில் கொண்டு, எதிர்காலத்தில் நல்ல வருமானம் தரக்கூடியவற்றில் முதலீடு செய்ய வேண்டும்.
நாம் இப்போது ரூ.50000 மதிப்பில் வாங்க கூடிய பொருட்களை 20 ஆண்டுகளுக்கு பிறகு வாங்க முடியுமா என்று கேட்டால் சந்தேகம் தான்.
50,000 ரூபாயின் மதிப்பு?
பணவீக்கத்தை அளவிடுவதற்கு நுகர்வோர் விலைக் குறியீடு மற்றும் மொத்த விலைக் குறியீடு என இரண்டு குறியீடுகள் உள்ளன. இதில் மொத்த விலைக் குறியீட்டில் மொத்த விற்பனை நிலை மாற்றங்கள் கணக்கிடப்படுகின்றன. பொருட்களின் உண்மையான சில்லறை விலையானது நுகர்வோர் விலை ஆகும்.
இந்தியாவில் தற்போது பணவீக்கம் (Inflation) 5.09 % ஆக உள்ளது. அதன்படி, 20 ஆண்டுகளுக்கு பிறகு 50,000 ரூபாயின் மதிப்பு எவ்வளவு இருக்கும் என்பதை கணக்கிடலாம்.
பணவீக்கக் கணக்கீட்டின்படி பார்த்தல் இன்று 50 ஆயிரம் ரூபாயில் எதை வாங்கினாலும் அந்த பொருளை 20 ஆண்டுகளுக்குப் பிறகு வாங்குவதற்கு ரூ.1,57,358 செலவாகும். அதாவது ரூ.1,07,358 அதிகரிக்கும். இரண்டு மடங்குக்கு மேல் பணம் செலவழிக்க வேண்டியதாக இருக்கும்.
இதனால் தான் எதிர்காலத்தில் தேவைப்படும் நிதிகளை சமாளிக்க கூடியவற்றில் முதலீடுகள் செய்யப்படுகின்றன. இந்த காரணத்தினால் தான் முதலீடு செய்யும் முன்பு நிதி நிபுணர்கள் ஆலோசனை பெற்று திட்டமிட வேண்டும் என்று கூறுகின்றனர்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
புங்குடுதீவு, யாழ்ப்பாணம், கொழும்பு, சென்னை, India, Muscat, Oman
03 Aug, 2026
