உலகின் அதிவேக இணைய சேவை கொண்ட நாடுகள்.., இந்தியா எந்த இடம்?

இன்றைய உலகில் இணையம் இல்லாமல் வாழ்க்கையை நினைத்துப் பார்க்க முடியாது.

கல்வி, வேலை, வணிகம், மருத்துவம் உள்ளிட்ட அனைத்துத் துறைகளிலும் இணையம் முக்கிய பங்கு வகிக்கிறது.

2025ஆம் ஆண்டில் உலகம் முழுவதும் சுமார் 600 கோடி மக்கள் இணையத்தை பயன்படுத்தியதாக சர்வதேச தொலைத்தொடர்பு ஒன்றியம் தெரிவித்துள்ளது.

உலகிலுள்ள 195 நாடுகளில் ஒவ்வொரு நாட்டிலும் குறைந்தபட்ச அளவிலாவது இணைய இணைப்பு உள்ளது.

அதன்படி, உலக நாடுகளின் இணைய வேகம் குறித்த ஆய்வில், மொபைல் பதிவிறக்க வேகத்தில் இந்தியா 26வது இடத்தில் உள்ளது.

மேலும், இந்தியாவின் சராசரி இணைய வேகம் 133.51 Mbps ஆக உள்ளது.

அந்தவகையில், உலகின் அதிவேக இணைய சேவை கொண்ட முதல் 5 நாடுகள் குறித்து பார்க்கலாம்.  

1. சிங்கப்பூர்

410.06 Mbps உலகின் அதிவேக இணைய சேவை கொண்ட நாடுகளின் பட்டியலில் சிங்கப்பூர் முதலிடத்தில் உள்ளது. அந்நாட்டின் மேம்பட்ட ஃபைபர் இணையக் கட்டமைப்பு இதற்கு முக்கிய காரணமாகும்.

2. ஐக்கிய அரபு அமீரகம்

382.32 Mbps அதிவேக இணைய சேவையில் ஐக்கிய அரபு அமீரகம் இரண்டாவது இடத்தில் உள்ளது. ஃபைபர் மற்றும் 5G தொழில்நுட்பத்தில் அதிக முதலீடு செய்துள்ளது.

உலகிலேயே இணைய வசதி இல்லாத நாடு.., எது தெரியுமா?

3. பிரான்ஸ்

349.25 Mbps இதில் பிரான்ஸ் நாடு மூன்றாவது இடத்தில் உள்ளது. பிரான்ஸ் தனது பழைய இணையக் கட்டமைப்பை மேம்படுத்தி, ஃபைபர் ஆப்டிக் தொழில்நுட்பத்தை அதிக அளவில் பயன்படுத்தி வருகிறது.

4. சிலி

348.41 Mbps லத்தீன் அமெரிக்காவில் அதிவேக இணைய சேவை கொண்ட நாடாக சிலி நான்காவது இடத்தில் உள்ளது. இணைய சேவை நிறுவனங்களுக்கு இடையிலான போட்டி இதற்கு முக்கிய காரணமாகும்.

5. ஹாங்காங்

343.36 Mbps அதிவேக இணைய சேவையில் ஹாங்காங் ஐந்தாவது இடத்தில் உள்ளது. ஹாங்காங்கில் அதிகமான உயரமான கட்டிடங்கள் இருப்பதால் ஃபைபர் இணைய இணைப்புகளை அமைப்பது எளிதாக உள்ளதால் அங்கு இணைய வேகம் அதிகமாக உள்ளது.