ஒரு டிக்கெட்டின் விலை ரூ. 17 லட்சம்.., உலகின் ஆடம்பர ரயில் எது தெரியுமா?

உலகின் மிகப்பெரிய மற்றும் நீளமான ரயில் போக்குவரத்து நெட்வொர்க்குகளில் அமெரிக்கா, சீனா, மற்றும் ரஷ்யா ஆகியவை முன்னணியில் உள்ளன.

நில வழியில் பயணிகளையும், சரக்குகளையும் பாதுகாப்பாகவும் விரைவாகவும் கொண்டு செல்ல உலகளாவிய ரயில் வலையமைப்புகள் உதவுகின்றன.

உலக நாடுகளில் ரயில் போக்குவரத்து முக்கியமான போக்குவரத்து முறையாக உள்ளது.

அதன்படி, ஜப்பான் அதிவேக ரயில்களுக்கு பெயர் பெற்ற நாடாக இருந்தாலும், அந்நாட்டில் மெதுவாக இயற்கையை ரசித்தபடி பயணிக்க உருவாக்கப்பட்டுள்ள ஒரு சிறப்பு ஆடம்பர ரயிலும் உள்ளது.

ஜப்பானின் கியூஷு தீவில் இயக்கப்படும் செவன் ஸ்டார்ஸ் இன் கியூஷு (Seven Stars in Kyushu) ரயில், 2013ஆம் ஆண்டு அறிமுகப்படுத்தப்பட்டது.  

உலகின் சிறந்த ஆடம்பர ரயில் பயணங்களில் ஒன்றாக கருதப்படும் இந்த சுமார் 3 பில்லியன் யென் அதாவது  இந்திய மதிப்பில் ரூ.165 கோடி செலவில் உருவாக்கப்பட்டது.

செவன் ஸ்டார்ஸ் என்ற பெயர், கியூஷு பகுதியின் ஏழு மாகாணங்களையும், ரயிலின் ஏழு பெட்டிகளையும் குறிக்கிறது.

இந்த ரயிலில் ஒரு உணவக பெட்டி, ஒரு ஓய்வறை பெட்டி மற்றும் ஐந்து படுக்கை வசதி கொண்ட பெட்டிகள் உள்ளன. 

அனைத்து அறைகளும் கையால் செய்யப்பட்ட மர வேலைப்பாடுகளுடன், பாரம்பரிய ஜப்பானிய வடிவமைப்பில் உருவாக்கப்பட்டுள்ளன.

JR கியூஷு நிறுவனம் இயக்கும் இந்த ரயிலை பிரபல வடிவமைப்பாளர் ஈஜி மிடூக்கா வடிவமைத்துள்ளார்.

இந்த ரயில் ஃபுகுவோகாவின் ஹகாட்டா நிலையத்தில் இருந்து புறப்பட்டு மீண்டும் அதே நிலையத்திற்கே திரும்பும் சுற்றுப்பயணத்தை மேற்கொள்கிறது.

பயணிகள் 2 நாட்கள், 1 இரவு அல்லது 4 நாட்கள், 3 இரவுகள் கொண்ட பயணத்தை தேர்வு செய்யலாம்.

இந்த ரயிலின் டிக்கெட் கட்டணம் பயண வகையைப் பொறுத்து மாறுபடும். 2

நாள் பயணத்திற்கு ரூ.4 லட்சம் முதல் ரூ.9.5 லட்சம் மற்றும் 4 நாள், 3 இரவு பயணத்திற்கு ரூ.8 லட்சம் முதல் ரூ.17 லட்சம் வரை டிக்கெட் விலை நிர்ணயிக்கப்பட்டுள்ளது.

இதனால், உலகின் மிகவும் விலையுயர்ந்த மற்றும் ஆடம்பரமான ரயில் பயணங்களில் ஒன்றாக செவன் ஸ்டார்ஸ் இன் கியூஷு விளங்கி வருகிறது.