இந்தியா - நியூசிலாந்து FDA அமுலுக்கு வந்தது; எந்தெந்தத் துறைகள் பயனடையும்?

which sectors benefit by india - new zealand FDA: கடந்த ஏப்ரல் மாதம் கையெழுத்தான இந்தியா மற்றும் நியூசிலாந்து இடையேயான தடையற்ற வர்த்தக ஒப்பந்தம் நேற்று முதல் அமுலுக்கு வந்துள்ளது.

இந்தியா - நியூசிலாந்து FDA

இந்தியா மற்றும் நியூசிலாந்து இடையேயான தடையற்ற வர்த்தக ஒப்பந்தம் (FDA) அமுலுக்கு வந்ததன் மூலம், கடந்த 5 ஆண்டுகளில் செயல்பாட்டுக்கு வந்த 7வது ஒப்பந்தம் ஆகும். 

2030 ஆம் ஆண்டுக்குள் இருதரப்பு வர்த்தகத்தை ரூ35,000 கோடிக்கு உயர்த்த இரு நாடுகளும் இலக்கு நிர்ணயித்துள்ளன.

மேலும், அடுத்த 15 ஆண்டுகளில் நியூசிலாந்து, இந்தியாவிற்குள் 20 பில்லியன் டொலர் அந்நிய நேரடி முதலீட்டிற்கு வழிவகுக்கும். 

9 ஐரோப்பிய நாடுகளில் வெடித்துள்ள போராட்டம்; பின்னணி என்ன?

எந்தெந்தத் துறைகள் பயனடையும்?

முன்னதாக இந்தியாவிலிருந்து ஏற்றுமதி செய்யப்படும் சில பொருட்களுக்கு 10% வரி விதிக்கப்பட்ட நிலையில், தற்போது இந்திய ஏற்றுமதிக்கு 100% வரி விலக்கு அளித்துள்ளது நியூஸிலாந்து.

இது, அனைத்து வரி விதிப்பு முறைகளிலும் முழுமையான வரி விலக்கு அணுகலைப் பெறும் இந்தியாவின் முதல் தடையற்ற வர்த்தக ஒப்பந்தம் இதுவாகும். 

பழங்கள் மற்றும் காய்கறிகள், காபி, தேநீர், கோகோ மற்றும் மசாலாப் பொருட்கள், தானியங்கள், பதப்படுத்தப்பட்ட உணவுகள், ஜவுளி மற்றும் ஆடைகள், தோல் மற்றும் காலணிகள், மருந்துகள், பொறியியல் பொருட்கள், கடல்சார் பொருட்கள், பிளாஸ்டிக் மற்றும் ரப்பர் உள்ளிட்ட துறைகள் பயன்பெறும் என தெரிவிக்கப்பட்டுள்ளது.

மேலும், தகவல் தொழில்நுட்பம், தொழில்முறை சேவைகள், தொலைத்தொடர்பு, கட்டுமானம், கல்வி, நிதிச் சேவைகள் மற்றும் சுற்றுலா உள்ளிட்ட 118 சேவைத் துறைகளையும் துணைத் துறைகளையும் இந்திய சேவை வழங்குநர்களுக்குத் திறந்துவிட நியூசிலாந்தும் ஒப்புக்கொண்டுள்ளது.

நியூசிலாந்திற்கு என்ன பயன்?

இதற்குப் பதிலாக, நியூசிலாந்து தனது ஆப்பிள்கள், கிவிப்பழங்கள் மற்றும் ஆல்புமின்கள் உள்ளிட்ட பல்வேறு ஏற்றுமதிகளுக்கு இந்திய சந்தையில் முன்னுரிமை அணுகலைப் பெறும். ஆட்டு இறைச்சி, கம்பளி மற்றும் வனப் பொருட்கள் உள்ளிட்ட பொருட்களுக்கு வரிக்குறைப்புகள் பொருந்தும். 

அதேவேளையில், உள்நாட்டு விவசாயிகள் மற்றும் பால்வளத் துறையின் நலன்களை பாதுகாக்கும் வகையில், பால், கிரீம், மோர், தயிர் மற்றும் சீஸ் போன்ற பால் பொருட்கள், செம்மறி ஆட்டு இறைச்சியைத் தவிர மற்ற விலங்குப் பொருட்கள் மற்றும் வெங்காயம், கொண்டைக்கடலை, பட்டாணி, மக்காச்சோளம், பாதாம் போன்ற விவசாயப் பொருட்களை ஒப்பந்தத்திலிருந்து இந்தியா விலக்கியுள்ளது.

விலக்கு பட்டியலில் உள்ள மற்ற வகைகளில் ஆயுதங்கள் மற்றும் வெடிமருந்துகள், விலையுயர்ந்த உலோகங்கள் மற்றும் முடிக்கப்பட்ட நகைகள், கேத்தோடுகள், கார்ட்ரிட்ஜ்கள், கம்பிகள், பார்கள் மற்றும் சுருள்கள் போன்ற செப்புப் பொருட்கள், மற்றும் கம்பிகள் மற்றும் பார்கள் போன்ற அலுமினியப் பொருட்கள் ஆகியவை அடங்கும்.

இந்த ஒப்பந்தம், சரக்குகளுக்கு 48 மணி நேரத்திலும், விரைவு மற்றும் விரைவில் கெட்டுப்போகும் சரக்குகளுக்கு 24 மணி நேரத்திலும் சுங்க அனுமதி வழங்கவும் வழிவகை செய்கிறது.

இடப்பெயர்வு தொடர்பான விதிகள்

இந்த ஒப்பந்தம், வர்த்தகத்தைத் தாண்டி முதலீடு மற்றும் இடப்பெயர்வு தொடர்பான விதிகளையும் உள்ளடக்கியுள்ளது.

இது இந்திய நிறுவனங்களுக்கும் தொழில் வல்லுநர்களுக்கும் நியூசிலாந்தில் சேவைகளை வழங்குவதை எளிதாக்கும். 

திறமையான இந்திய நிபுணர்கள், எந்த நேரத்திலும் 5,000 விசாக்கள் மட்டுமே வழங்கப்படும் மற்றும் 3 ஆண்டுகள் வரை தங்கலாம்.

தகவல் தொழில்நுட்பம் (IT), பொறியியல், கட்டுமானம், கல்வி மற்றும் சுகாதாரம் யோகா பயிற்றுனர்கள், சமையல் கலைஞர்கள், இசை ஆசிரியர்கள் மற்றும் ஆயுஷ் நிபுணர்கள் உள்ளிட்ட துறைகளை இது உள்ளடக்கியுள்ளது.

ஒரே நிறுவனத்திற்குள் இடமாற்றம் செய்யப்படுபவர்கள் 3 ஆண்டுகள் வரை தங்கலாம்.

அதே சமயம் வணிகப் பார்வையாளர்கள் மற்றும் உபகரணங்களை நிறுவும் அல்லது பராமரிக்கும் பணியாளர்கள் 12 மாத காலப்பகுதியில் 90 நாட்கள் வரை தங்கலாம். ஒப்பந்த அடிப்படையிலான சேவை வழங்குநர்கள் மற்றும் சுயாதீன தொழில் வல்லுநர்கள் 12 மாதங்கள் வரை தங்கலாம்.