இந்தியாவின் அரிசி தலைநகரம் என்று அழைக்கப்படும் மாநிலம்.., எது தெரியுமா?

which state is known as the rice capital of india- இந்தியாவில் பெரும்பாலான மக்களின் அன்றாட உணவில் அரிசி முக்கிய இடம் பிடித்துள்ளது.

அரிசி நமது உடலுக்குத் தேவையான முக்கிய ஆற்றலை வழங்கும் கார்போஹைட்ரேட்டுகள் நிறைந்த ஒரு முதன்மை உணவாகும்.

அந்தவகையில், இந்தியாவின் அரிசித் தலைநகரம் என்று அழைக்கப்படும் மாநிலம் எது என்பது குறித்து பார்க்கலாம்.

அதன்படி, அதிக அளவில் நெல் உற்பத்தி செய்யும் மாநிலங்களில் மேற்கு வங்கம் முதலிடத்தில் உள்ளது.

இதனால் மேற்கு வங்கம் இந்தியாவின் "அரிசித் தலைநகரம்" என்று அழைக்கப்படுகிறது. மேற்கு வங்கத்தில் நெல் சாகுபடி முக்கியத் தொழிலாக உள்ளது.

இங்கு அதிக மழைப்பொழிவு, வளமான மண் மற்றும் சாதகமான வெப்பநிலை நிலவுவதால் நெல் பயிரிட ஏற்ற சூழல் காணப்படுகிறது.

மேலும், கங்கை நதியால் உருவான வளமான சமவெளிகள் நெல் சாகுபடிக்கு உதவுகின்றன.

இங்கு ஆண்டுக்கு பல பருவங்களில் நெல் பயிரிடப்படுவதால் அதிக அளவில் அரிசி உற்பத்தி செய்யப்படுகிறது.

மேற்கு வங்கத்தைத் தொடர்ந்து உத்தரப் பிரதேசம், பஞ்சாப், ஆந்திரப் பிரதேசம் மற்றும் சத்தீஸ்கர் ஆகிய மாநிலங்களும் நெல் உற்பத்தியில் முக்கியப் பங்கு வகிக்கின்றன.

அதேபோல், ஆந்திரப் பிரதேசம் இந்தியாவின் "அரிசிக் கிண்ணம்" என்று அழைக்கப்படுகிறது.

கோதாவரி மற்றும் கிருஷ்ணா நதிகளால் உருவான வளமான டெல்டா பகுதிகள் இங்கு நெல் சாகுபடிக்கு அதிக அளவில் நீர் வசதியை வழங்குகின்றன.

இதனால் ஆந்திரப் பிரதேசம் நாட்டின் முக்கிய நெல் உற்பத்தி மாநிலங்களில் ஒன்றாக உள்ளது.

உலக அளவில் அரிசி உற்பத்தியில் சீனா முதலிடத்தில் உள்ளது. இந்தியா இரண்டாவது இடத்தில் உள்ளது.

இந்தோனேசியா, வங்கதேசம் மற்றும் வியட்நாம் ஆகிய நாடுகளும் அதிக அளவில் அரிசி உற்பத்தி செய்கின்றன.

இந்தியாவில் பல வகையான நெல் ரகங்கள் பயிரிடப்படுகின்றன. அவற்றில் பாசுமதி அரிசி அதன் நறுமணம் மற்றும் தரத்திற்காக உலக அளவில் பிரபலமாக உள்ளது.