லங்காசிறி FM
பிரித்தானிய பிரதமரின் பதவிக்கு சிக்கல்... அடுத்த பிரதமர் யார்?
பிரித்தானிய பிரதமர் கெய்ர் ஸ்டார்மர் பதவி விலகவேண்டும் என 70க்கும் மேற்பட்ட நாடாளுமன்ற உறுப்பினர்கள் அழுத்தம் கொடுத்துவருவதைத் தொடர்ந்து, ஸ்டார்மரின் பதவிக்கு சிக்கல் உருவாகியுள்ளது.
பிரித்தானிய பிரதமரின் பதவிக்கு சிக்கல்...
பிரித்தானியாவில் நடந்து முடிந்த தேர்தல்களில், இங்கிலாந்தில் சுமார் 1,500 கவுன்சில் இருக்கைகளையும், ஸ்கொட்லாந்திலும் வேல்ஸ் நாட்டிலும் நாடாளுமன்ற குறிப்பிடத்தக்க அளவில் இருக்கைகளையும் இழந்துள்ளது ஆளும் லேபர் கட்சி.
ஏற்கனவே ஸ்டார்மர் புலம்பெயர்தலை திறம்படக் கையாளவில்லை என மக்களில் ஒரு தரப்பினருக்கு வருத்தம் உள்ளது.
இந்நிலையில், தேர்தல் தோல்விகளும் இணைந்துகொள்ள, ஸ்டார்மர் பதவி விலக கோரிக்கை வலுத்துவருகிறது.
ஸ்டார்மரின் வட்டத்தைச் சேர்ந்த உள்துறைச் செயலரான ஷபானா மஹ்மூத், வெளியுறவுச் செயலரான Yvette Cooper உட்பட 70க்கும் மேற்பட்ட நாடாளுமன்ற உறுப்பினர்கள் ஸ்டார்மரை பதவி விலகக் கோரிவருவதாக தகவல் வெளியாகியுள்ளது.
ஏற்கனவே அமைச்சர்களின் உதவியாளர்களாக பணியாற்றிவந்த ஆறு பேர் பதவி விலகிவிட்டதாகவும் நம்பத்தகுந்த அரசியல் வட்டாரங்கள் தெரிவிக்கின்றன.
அடுத்த பிரதமர் யார்?
இந்நிலையில், ஸ்டார்மர் பதவி விலகும் நிலையில், அடுத்து பிரித்தானியாவின் பிரதமராகப்போவது யார் என ஊடகங்கள் செய்தி வெளியிடத் துவங்கிவிட்டன.
அப்படி பிரதமர் பதவிக்கான போட்டியில் இருப்பதாக ஊடகங்கள் குறிப்பிடுபவர்கள் யார் யார் என பார்க்கலாம். ஏஞ்சலா ரெய்னர் பிரித்தானிய துணை பிரதமராக பொறுப்பு வகித்த ஏஞ்சலா ரெய்னர் அடுத்து பிரதமராகலாம் என ஒரு எதிர்பார்ப்பு உள்ளது.
ஆனால், அவர் மீது வரி ஏய்ப்பு குற்றச்சாட்டுகள் முன்வைக்கப்பட்டதைத் தொடர்ந்து, அவர் தனது பதவியை ராஜினாமா செய்தவர் ஆவார்.
வெஸ் ஸ்ட்ரீட்டிங் ஏஞ்சலா பிரதமர் பதவிக்கு தகுதியானவர் அல்ல என்றும் சுகாதாரத்துறைச் செயலரான வெஸ் ஸ்ட்ரீட்டிங் (Wes Streeting) பிரதமராக பொருத்தமான ஆள் என்றும் சில நாடாளுமன்ற உறுப்பினர்கள் கருதுவதாக தகவல்கள் வெளியாகியுள்ளன.
ஆக, அடுத்த பிரதமராகும் வாய்ப்புள்ளவர்கள் பட்டியலில் வெஸ் ஸ்ட்ரீட்டிங் பெயர் முக்கிய இடம் பிடித்துள்ளது.
கேத்தரின் வெஸ்ட் வடக்கு லண்டனிலுள்ள Hornsey and Friern Barnet தொகுதிக்கான நாடாளுமன்ற உறுப்பினரான கேத்தரினை அதிகம் பேருக்குத் தெரியாது.
ஆனால், பிரதமருக்கு சவால் விட யாரும் முன்வரவில்லை என்றால், பிரதமராக தனக்கு ஆதரவளிக்குமாறு கேத்தரின் நாடாளுமன்ற உறுப்பினர்களைக் கோர இருப்பதாக அவர் தெரிவித்திருந்தார். ஆனால், இப்போது அவர் பின்வாங்கிவிட்டார். ஆக, ஸ்டார்மர் பதவி விலகினால், இவர்தான் அடுத்த பிரதமர் என யாரையும் இப்போதைக்கு உறுதியாகக் குறிப்பிட இயலவில்லை.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
புளியங்கூடல், யாழ்ப்பாணம், சென்னை, India, பிரான்ஸ், France
19 Jul, 2026
புங்குடுதீவு 3ம் வட்டாரம், சிவபுரம், வவுனிக்குளம், Woodbridge, Canada
05 Aug, 2022
புங்குடுதீவு, பரிஸ், France, London, United Kingdom
10 Jul, 2026
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
புங்குடுதீவு 8ம் வட்டாரம், புங்குடுதீவு 12ம் வட்டாரம், சுன்னாகம், பரிஸ், France
18 Jul, 2026
கோண்டாவில், புன்னாலைக்கட்டுவன், சவுதி அரேபியா, Saudi Arabia, ஜேர்மனி, Germany, Brampton, Canada
20 Jul, 2025
