விமானத்தில் ஏர் ஹோஸ்டஸாக பெண்கள் மட்டுமே இருக்கிறார்கள்.., ஏன் தெரியுமா?

பொதுவாக, விமானத் துறையில் ஆண்களை விடப் பெண்களே அதிகளவில் பணியாற்றி வருகின்றனர்.

குறிப்பாக, விமானங்களில் பணிபுரியும் கேபின் குழுவினரில் பெண்களின் எண்ணிக்கை அதிகமாக உள்ளது.

ஆனால், விமானப் போக்குவரத்து தொடங்கிய காலத்தில் நிலைமை வேறுபட்டிருந்தது.

1912ஆம் ஆண்டு ஜெர்மனியைச் சேர்ந்த DELAG விமான நிறுவனத்தில் பணியாற்றிய ஹென்ரிச் குபிஸ், வரலாற்றின் முதல் விமானப் பணிப்பாளராகக் கருதப்படுகிறார்.  

அந்தக் காலகட்டத்தில் கேபின் குழுவினராக ஆண்கள் மட்டுமே பணியமர்த்தப்பட்டனர்.

பயணிகளுக்கு உணவு மற்றும் பானங்கள் வழங்குவதைவிட, அவர்களின் பாதுகாப்பை உறுதி செய்வதே கேபின் குழுவினரின் முக்கியப் பணியாக இருந்தது.

இதனால், விமான நிறுவனங்கள் ஆண்களையே அதிகம் பணியமர்த்தின. இதில் மாற்றத்தை ஏற்படுத்தியவர் எலன் சர்ச்.

பதிவு பெற்ற செவிலியரான இவர், 1930ஆம் ஆண்டு போயிங் ஏர் டிரான்ஸ்போர்ட் நிறுவனத்தில் விமானப் பணிப்பெண்ணாக இணைந்தார்.  

இதன் பின்னர், பயணிகளைக் கவனித்துக்கொள்ள பெண் செவிலியர்களை விமான நிறுவனங்கள் அதிகளவில் பணியமர்த்தத் தொடங்கின.

இதன் காரணமாக, விமானப் பணிக்குழுவில் பெண்களின் எண்ணிக்கை தொடர்ந்து அதிகரித்தது.

மேலும், பெண்களின் வரவேற்பு மற்றும் வாடிக்கையாளர் சேவை திறன்களும் இந்தத் துறையில் அவர்களுக்கு சாதகமாக அமைந்ததாகக் கூறப்படுகிறது. 

20ஆம் நூற்றாண்டின் மத்தியில், விமான நிறுவனங்கள் பெண் பணியாளர்களின் வயது, எடை, திருமண நிலை மற்றும் தோற்றம் தொடர்பாக கடுமையான விதிமுறைகளை வகுத்தன.

பெண்களின் தோற்றத்தை வணிக ரீதியாக பயன்படுத்தியதாகவும் விமர்சனங்கள் எழுந்தன.

தற்போது, பல விமான நிறுவனங்களில் ஆண்களை விடப் பெண்களே அதிகளவில் கேபின் குழுவில் பணியாற்றுகின்றனர்.

இதனால், விமானப் பணிக்குழு என்றாலே பெண்கள் என்ற பிம்பம் உருவாகியுள்ளது.