அடிக்கடி பாதங்கள் வீங்குவது ஏன் ? இதற்கு என்ன காரணம்?

 கால்கள், பாதங்கள் மற்றும் கணுக்கால்கள் போன்ற பகுதிகளில் இயல்பான வீக்கம் ஏற்படுவது வழக்கம் தான்.

ஆனால் வீங்கிய கணுக்கால்கள் மற்றும் வீங்கிய கால்களில் மற்ற அறிகுறிகள் தொிந்தால், பிரச்சினைகள் ஏற்பட வாய்ப்புகள் உண்டு.

ஆரம்பத்திலே இதனை சரி கண்டறிந்து சரி செய்வது நல்லது. அந்தவகையில் ஏன் பாதங்கள் அடிக்கடி வீங்குது என்ற காரணத்தை தெரிந்து கொள்வோம்.

• நமக்கு இருக்கும் உடல் பிரச்சினைகளுக்காக, நாம் மருந்து மாத்திரைகளை எடுத்து வந்தால், அவற்றினுடைய பக்கவிளைவுகளின் காரணமாக நமது பாதங்கள் மற்றும் கணுக்கால்களில் வீக்கம் ஏற்படலாம்.
  
  
•  கருவுற்றிருக்கும் பெண்களுக்கு திடீரென்று கால்கள் வீங்கினால் அல்லது வீக்கம் அதிகமாக இருந்தால் உடனே மருத்துவரை சந்திக்க வேண்டும். அதிலும் குறிப்பாக வயிற்றுவலி, தலைவலி, குமட்டல் மற்றும் வாந்தி போன்றவற்றின் காரணமாக கால்கள் வீங்கினால் உடனே மருத்துவரை சந்தித்து சிகிச்சை பெற வேண்டும்.
  
  
•    பாதங்கள் அல்லது கணுக்கால்களில் காயங்கள் இருந்தால், அவற்றைச் சுற்றி வீக்கம் ஏற்படும். நடக்கும் போதோ அல்லது ஓடும் போதோ, நமது கணுக்கால்களில் சுளுக்கு அல்லது அவற்றின் தசைநாா்களில் காயங்கள் ஏற்பட்டால் வீக்கம் ஏற்படும்.  
  
  
•  நமது உடலில் போதுமான அளவு சிரை அல்லது இரத்த நாளங்கள் இல்லாமல் போனால், உடனடியாக கணுக்கால்களில் வீக்கம் ஏற்படும். அதாவது போதுமான அளவு சிரை அல்லது இரத்த நாளங்கள் இல்லை என்றால், நரம்புகள் மூலம் கால்களில் இருந்து இதயத்துக்கு இரத்தம் சீராகப் பாய்வதில் பிரச்சினை ஏற்படும். அதனால் கணுக்கால்களில் வீக்கம் ஏற்படும்.
  
  
•  நீரிழிவு நரம்பியல் பிரச்சினை மற்றும் நரம்பு பிரச்சினைகளினால் பாதிக்கப்பட்டிருப்பவா்களுக்கு, அவா்களின் பாதங்களில் நோய்த் தொற்று ஏற்பட அதிக வாய்ப்புகள் உண்டு. அந்த நோய்த் தொற்றுகள் அவா்களின் கணுக்கால்களில் வீக்கத்தை ஏற்படுத்தும்.  
  
  
•   கால்களில் உள்ள நரம்புகளில் இரத்தம் உறைந்தால், அது கால்களில் இருந்து இதயத்திற்கும், இதயத்திலிருந்து கால்களுக்கும் செல்லும் இரத்த ஓட்டத்தைத் தடுத்துவிடும். அதனால் கணுக்கால்களிலும், பாதங்களிலும் வீக்கம் ஏற்படும். கால்களில் அதிக வலியுடன் கூடிய நிறமாற்றம் இருந்தால், உடனே மருத்துவரை சந்திப்பது நல்லது. 
  
  
•  இதயம், கல்லீரல் அல்லது சிறுநீரக நோய்கள் இருந்தாலும் கணுக்கால்கள் மற்றும் பாதங்களில் வீக்கம் ஏற்பட வாய்ப்புகள் உண்டு.