லங்காசிறி FM
சிறுநீர் மஞ்சளாக இருப்பது ஏன்? 150 ஆண்டுகளாக விடைதெரியாத கேள்விக்கு விடை கண்டுபிடித்துள்ள அறிவியலாளர்கள்...
Balamanuvelan
in ஆரோக்கியம்
சிறுநீர் மஞ்சள் நிறத்தில் இருப்பது ஏன் என்னும் கேள்விக்கு விடை கண்டறியும் முயற்சியில் 150 ஆண்டுகளாக அறிவியலாளர்கள் ஈடுபட்டுவந்துள்ளார்கள்.
இந்நிலையில், அந்தக் கேள்விக்கான விடையை தற்போது சில அறிவியலாளர்கள் கண்டுபிடித்துள்ளார்கள்.
அறிவியலாளர் கூறும் ஆச்சரிய தகவல்
இந்த ஆய்வைத் தலைமையேற்று நடத்திய, அமெரிக்காவின் மேரிலேண்ட் பல்கலையில் துணை பேராசிரியராக பணியாற்றும் Brantley Hall, தினமும் உடலில் நடக்கும் இந்த உயிரியல் நிகழ்வுக்கான காரணம் இவ்வளவு நாட்களாக கண்டுபிடிக்கப்படாமல் இருந்தது ஆச்சரியம்தான் என்றும், அந்தக் கேள்விக்கான விடையைத் தாங்கள் கண்டுபிடித்ததில் தங்கள் குழுவுக்கு மகிழ்ச்சி என்றும் தெரிவித்துள்ளார்.
Image: GETTY
சிறுநீர் மஞ்சளாக இருப்பது ஏன்?
நம் உடலில் உள்ள இரத்த சிவப்பணுக்கள், தங்கள் ஆயுட்காலமான ஆறு மாதங்கள் முடிவில் மடிகின்றன. நமது கல்லீரல் அந்த இறந்த சிவப்பணுக்களை உடலிலிருந்து அகற்றிவிடும்.
அதன் காரணமாக, ஒரு பிரகாசமான ஆரஞ்சு வண்ண பொருள் உருவாகும். அதன் பெயர் பிலிரூபின். இந்த பிலிரூபின் வயிற்றுக்குக் கடத்தப்படும். வயிற்றிலிருக்கும் சில பாக்டீரியாக்கள் அதை யூரோபிலின் என்னும் மஞ்சள் நிற நிறமியாக மாற்ற, அதுதான் சிறுநீருக்கு மஞ்சள் நிறத்தைக் கொடுக்கிறது என்பதைத்தான் தற்போது அறிவியலாளர்கள் கண்டுபிடித்துள்ளார்கள்.
வயிற்றிலிருக்கும் சில பாக்டீரியாக்கள் உருவாக்கும் பிலிரூபின் ரிடக்டேஸ் என்னும் என்சைமே இந்த மாற்றம், அதாவது, தங்க நிறம் உருவாகுவதற்கு காரணமாக உள்ளது என அறிவியலாளர்கள் தற்போது கண்டுபிடித்துள்ளார்கள்.
மஞ்சள் காமாலை
அதிகப்படியான பிலிரூபினை கல்லீரலால் அகற்ற முடியாத நிலையைத்தான் ஜாண்டிஸ் அல்லது மஞ்சள் காமாலை என்கிறோம்.
மஞ்சள் காமாலை நோயாளியின் கண்கள், தோல் முதலானவை மஞ்சளாக தோற்றமளிப்பதற்கு இதுதான் காரணம்.
உண்மையில், இந்த யூரோபிலின் என்னும் ஒரு விடயம் குறித்து 1868இலேயே அறிவியலாளர்கள் கண்டுபிடித்துவிட்டார்கள். ஆனால், அதற்கும் சிறுநீரின் மஞ்சள் நிறத்துக்கும் இப்படி ஒரு தொடர்பு உள்ளது என்பதைக் கண்டுபிடிக்க 156 ஆண்டுகள் ஆகியுள்ளன என்பது ஆச்சரியம்தான்.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP இல் இணையுங்கள். |
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
