லங்காசிறி FM
ஸ்மார்ட்போன் கவருக்கு பின்னால் பணம் வைப்பவரா நீங்கள்? நீங்கள் அறியாத ஆபத்துகள் இதுதான்!
Thiru
in தொழில்நுட்பம்
இன்றைய டிஜிட்டல் உலகில், ஸ்மார்ட்போன் என்பது வெறும் தகவல் தொடர்பு சாதனம் மட்டுமல்ல, நம் வாழ்வின் ஓர் அங்கமாகவே மாறிவிட்டது.
பெரும்பாலான மக்கள், வெளியே செல்லும் போது குறைந்த பொருட்களை எடுத்துச் செல்ல விரும்புவார்கள். இதன் காரணமாக, பணப்பைக்கு பதிலாக, ஸ்மார்ட்போன் கவருக்குப் பின்னால் ரூபாய் நோட்டுகள் மற்றும் பரிவர்த்தனை அட்டைகளை வைப்பது பொதுவான பழக்கமாக உள்ளது.
ஆனால், இந்த பழக்கம் ஆபத்தானது என்பது உங்களுக்குத் தெரியுமா?
ஸ்மார்ட்போன் கவருக்கு பின்னால் பணம் வைப்பதால் ஏற்படும் ஆபத்துகளை பற்றி இந்தக் கட்டுரையில் விரிவாக பார்க்கலாம்.
1. ஸ்மார்ட்போன் அதிக வெப்பமடைதல்
ஸ்மார்ட்போன்கள் தொடர்ந்து பயன்படுத்தப்படும்போது வெப்பமடைவது இயல்பு. குறிப்பாக, கேம் விளையாடுவது, வீடியோ பார்ப்பது, அல்லது நீண்ட நேரம் சார்ஜ் போடுவது போன்ற சமயங்களில் இது அதிகமாக நடக்கும்.
ஸ்மார்ட்போன் கவருக்குப் பின்னால் பணம் அல்லது அட்டைகளை வைக்கும்போது, வெப்பம் வெளியேறுவது தடுக்கப்படுகிறது. இதனால், ஸ்மார்ட்போனின் வெப்பநிலை அதிகரிக்கும்.அதிக வெப்பம் காரணமாக பேட்டரி வீக்கம், செயலிழப்பு அல்லது வெடிப்பு போன்ற அபாயங்கள் ஏற்படலாம்.
பணத்தாள்கள் காகிதம் மற்றும் இரசாயனங்கள் கலந்திருப்பதால், அவை தீப்பற்றக்கூடியவை. எனவே, வெப்பமான ஸ்மார்ட்போனுடன் தொடர்பு கொள்ளும்போது, தீ விபத்து ஏற்படும் அபாயம் உள்ளது.
2. காந்தப்புலத்தால் ஏற்படும் பாதிப்புகள்
ஸ்மார்ட்போனில் உள்ள ஸ்பீக்கர்கள் மற்றும் வயர்லெஸ் சார்ஜிங் தொழில்நுட்பங்கள் காந்தப்புலத்தை உருவாக்குகின்றன.
ஸ்மார்ட்போன் கவருக்குப் பின்னால் வைக்கப்பட்டிருக்கும் ஏடிஎம், கிரெடிட் கார்டுகள் அல்லது பிற காந்த ஸ்ட்ரிப் கொண்ட அட்டைகள் இந்த காந்தப்புலத்தால் பாதிக்கப்படலாம்.
இதன் காரணமாக, அட்டையில் உள்ள தகவல்கள் சிதைக்கப்பட்டு, அவை பயன்படுத்த முடியாத நிலைக்குச் செல்லக் கூடும்.
3. பாதுகாப்பு அபாயங்கள்
ஸ்மார்ட்போனை திருடும் போது, அதனுடன் சேர்த்து கவருக்குப் பின்னால் வைக்கப்பட்டிருக்கும் பணமும், அட்டைகளும் திருடப்பட வாய்ப்புள்ளது.
இதனால் இரட்டை இழப்பு ஏற்படும். ஸ்மார்ட்போன் கவருக்குப் பின்னால் வைக்கப்படும் பணம் அல்லது அட்டைகள் எளிதில் வெளியே விழுந்து தொலைந்து போகவும் வாய்ப்புள்ளது.
எனவே, ஸ்மார்ட்போன் கவருக்குப் பின்னால் பணம் அல்லது வேறு எந்த எளிதில் தீப்பற்றக்கூடிய பொருட்களையும் வைப்பதை தவிர்ப்பது நல்லது. உங்கள் பணத்தையும், அட்டைகளையும் பாதுகாப்பாக வைக்க தனி பணப்பையைப் பயன்படுத்துவதே சிறந்த வழி.
| உள்நாட்டு மற்றும் வெளிநாட்டு செய்திகளை உடனுக்குடன் அறிந்துக்கொள்ள லங்காசிறி WHATSAPP CHANNEL இல் இணையுங்கள். |
திருநெல்வேலி, கொக்குவில் கிழக்கு, Farnborough, United Kingdom
26 Mar, 2026
கிளிநொச்சி, மதுரை, தமிழ்நாடு, India, சென்னை, India, திருகோணமலை, கொழும்பு, London, United Kingdom
28 Mar, 2026
புங்குடுதீவு 10ம் வட்டாரம், புங்குடுதீவு, கொழும்பு, Basel, Switzerland
15 Mar, 2022
பதுளை, புங்குடுதீவு 6ம் வட்டாரம், யாழ்ப்பாணம், Paris, France
28 Feb, 2026
