லங்காசிறி FM
சிக்ஸராக மாறிய வைடு; கனடா சூப்பர் 60 கிரிக்கெட்டில் அரிதான நிகழ்வு
wide turns to sixer in canada super 60 league cricket: கனடாவில் 10 ஓவர்கள் கொண்ட கனடா சூப்பர் 60 லீக் கிரிக்கெட் கடந்த செப்டம்பர் 30 ஆம் திகதி தொடங்கி இன்று வரை நடைபெற்றது.
இதில், நேற்று நடைபெற்ற அரையிறுதி போட்டியில், வைடு சிக்ஸராக மாறிய கிரிக்கெட்டின் அரிதான சம்பவம் நடைபெற்றுள்ளது.
சிக்ஸராக மாறிய வைடு
கனடா சூப்பர் 60 லீக் கிரிக்கெட்டின் முதலாவது அரையிறுதி போட்டியில், டொராண்டோ சிக்ஸர்ஸ் மற்றும் மிஸ்ஸிசாகா மாஸ்டர்ஸ் அணிகள் மோதியது.
டொராண்டோ சிக்ஸர் வீரர் கிரண் பொல்லார்ட் துடுப்பாட்டம் ஆடிய போது, மிஸ்ஸிசாகா மாஸ்டர்ஸ் வீரர் அலி கான் பந்து வீசினார்.
அவர் வீசிய பந்து ஒன்று வைடு ஆக மாறியதோடு பொல்லார்ட்டின் தலைக்கு மேல் சென்று எல்லை கோட்டை கடந்து சிக்ஸராக மாறியது.
A historic wide with a six from the bowler in Canada Super60. 🤣 https://t.co/8YHNJTRs78
— Mufaddal Vohra (@mufaddal_vohra) October 5, 2026
ஆனால், நடுவர் அந்த பந்தை வைடு எனத் தீர்ப்பளித்து, எல்லை கோட்டை எட்டியதற்காக 4 ஓட்டங்களைச் வழங்கினார். இதன்மூலம், டொராண்டோ சிக்ஸர்ஸ் அணி அந்தப் பந்தில் மொத்தம் 5 ஓட்டங்களை எடுத்தது.
சாம்பியன் பட்டம் வென்ற டொராண்டோ சிக்ஸர்ஸ் இந்த போட்டியில், டொராண்டோ சிக்ஸர்ஸ் அணி 10 ஓவர்கள் முடிவில் 4 விக்கெட் இழப்பிற்கு 130 ஓட்டங்கள் குவித்தது.
131 ஓட்டங்கள் என்ற வெற்றி இலக்குடன் களமிறங்கிய மிஸ்ஸிசாகா மாஸ்டர்ஸ், 10 ஓவர்கள் முடிவில் 7 விக்கெட் இழப்பிற்கு 121 ஓட்டங்கள் மட்டுமே எடுத்ததால், 9 ஓட்டங்கள் வித்தியாசத்தில் வெற்றி டொராண்டோ சிக்ஸர்ஸ் இறுதிப்போட்டிக்கு முன்னேறியது.
இன்று நடைபெற்ற இறுதிப்போட்டியில், வான்கூவர் ஆங்கர்ஸ் அணியை 5 விக்கெட் வித்தியாசத்தில் வீழ்த்தி, டொராண்டோ சிக்ஸர்ஸ் சாம்பியன் பட்டம் வென்றது.
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
குப்பிளான், London, United Kingdom, பிரான்ஸ், France
23 Oct, 2021
